Бугарија ќе ги зголеми средствата за одбрана на 5% од БДП

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија ќе ги зголеми средствата за одбрана на 5% од БДП

24 јуни 2025

• од Станча Јаќимовски

Бугарија планира драстично зголемување на своите одбранбени трошоци, достигнувајќи до 5% од бруто домашниот производ (БДП) до 2035 година. Ова го најави министерот за одбрана на земјата, Атанас Запрјанов, во пресрет на самитот на НАТО кој започнува утре во Хага, јавува Бугарското национално радио (БНР).

„Има одлука на Владата со која е определен мандатот за водење на разговорите. Ние го поддржуваме предлогот на американската страна за воени трошоци од 3,5% од БДП за одбранбени капацитети, плус дополнителни 1,5% за инфраструктура и други логистички потреби,“ изјави Запрјанов.

Тој појасни дека оваа амбициозна цел, која првично беше планирана за 2032 година, е преместена за 2035, со цел да се обезбеди стабилна и одржлива имплементација на новата стратегија за одбрана.

Запрјанов додаде дека сè уште се чека официјалната одлука од лидерите на земјите-членки на Алијансата, која се очекува да биде донесена на самитот.

Бугарската делегација на самитот ќе ја предводи премиерот Росен Желјазков. Министерот за одбрана нагласи дека фокусот на состанокот ќе биде ставен на плановите за одбрана и одвраќање, во кои и Бугарија игра активна улога. Земјата, според него, е подготвена да ги засили своите придонеси во рамките на заедничките безбедносни напори на НАТО.

Очекувањата се дека новото зголемување на одбранбениот буџет ќе придонесе за подобрување на капацитетите на бугарската армија, модернизација на техниката и подобра логистичка подготвеност, во согласност со зацртаните цели на Алијансата за зајакната колективна безбедност.