Бугарија ќе инвестира 40 милиони евра во електрични минибуси за општините

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија ќе инвестира 40 милиони евра во електрични минибуси за општините

24 април 2025

• од Вардарски

Бугарија ќе насочи близу 40 милиони евра од европските фондови преку програмата REPowerEU за набавка на електрични лесни комерцијални возила и изградба на полначка инфраструктура. Овие средства се наменети за општини кои обезбедуваат социјални услуги, а целта е да се поддржи енергетската транзиција и намалувањето на емисиите од јавниот сектор.

Според поднесеното барање до Европската комисија за измена на Националниот план за закрепнување и отпорност, предвидено е да се испорачаат околу 250 електрични минибуси, заедно со соодветна полначка мрежа. Овие возила ќе им служат на мобилните тимови, дневните центри, и другите социјални служби што се делегирани од државата, но се спроведуваат на општинско ниво.

Покрај тоа, проектот опфаќа и инсталирање фотоволтаични системи на околу 840 постојни објекти за социјални услуги, со цел зголемување на енергетската ефикасност и намалување на трошоците за одржување.

Оваа инвестиција е дел од мерката со ознака C13.I5, која е единствената што предвидува директна поддршка за електричната мобилност во јавниот сектор во рамки на бугарската REPowerEU програма. Рокот за реализација на мерките е до 30 јуни 2026 година.

Иако мерката е чекор напред кон зелена транзиција, сепак не предвидува директни субвенции за граѓаните или приватниот сектор за премин кон електрични возила. Ова останува сериозен предизвик, особено ако се земе предвид дека уште во 2021 година беа иницирани разговори за финансиски поттик за физички лица при набавка на електромобили – идеја која беше отфрлена од Европската комисија.

Во 2023 година, привремената бугарска влада најави подготвување Закон за поттикнување на електромобилноста, со предвидени мерки според принципот „загадувачот плаќа“. Паралелно, Министерството за транспорт започна иницијатива за формирање на регистар на увезени користени возила, со цел да се ограничи увозот на стари и загадувачки автомобили.

И покрај овие заложби, сè уште нема функционална национална програма за субвенции на граѓани при купување електрични возила.

Во европскиот контекст, Брисел неодамна објави дека ќе помогне на автомобилската индустрија преку европски субвенции, со цел да се зголеми побарувачката за електрични возила. Овој потег е дел од пошироките напори на ЕУ за декарбонизација и намалување на зависноста од фосилни горива.