Бугарија на чекор до членство во ОИСР

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија на чекор до членство во ОИСР

07 февруари 2026

• од Станча Јаќимовски

По приклучувањето кон еврозоната на 1 јануари, со што оствари една од своите долгорочни стратешки цели, Бугарија би можела уште оваа година да ја заокружи и следната голема задача – исполнување на сите услови за членство во Организација за економска соработка и развој (ОИСР). Ова го изјави генералниот секретар на организацијата, Матиас Корман, за време на јавно предавање одржано на Софискиот универзитет „Св. Климент Охридски“.

Иако не постои строго утврден рок за процесот на пристапување, Корман истакна дека заедно со бугарската влада се работи на завршување на постапката уште во текот на оваа календарска година. Тој ја повика и Народното собрание да постигне што е можно поголем напредок во наредните два месеца, пред почетокот на активниот изборен период, нагласувајќи дека тоа е во интерес на државата и би ѝ овозможило на Бугарија успешно да го финализира процесот.

Процесот на пристапување започна уште во 2007 година, кога Бугарија за првпат изрази интерес за членство. Сепак, дури во јануари 2022 година ОИСР донесе официјална одлука за започнување разговори. Во јуни истата година земјата доби патна карта, по што следуваа интензивни експертски прегледи во области како корпоративно управување, инвестициона клима, антикорупциски политики, образование и други.

Според министерот за надворешни работи во оставка, Георг Георгиев, Бугарија се наоѓа на финалната права од техничката фаза на процесот на пристапување. Само ден претходно ОИСР објави нов извештај со препораки, меѓу кои се издвојуваат потребата од консолидација на јавните трошоци, реформи во образовниот систем и поинтензивни напори за намалување на јаглеродните емисии.

Корман особено ја нагласи потребата од заострување на фискалната политика со цел подготовка за долгорочните расходи. Тој предупреди дека дефицитот во пензискиот систем претставува клучен предизвик на кој мора сериозно да се посвети внимание.

Проекциите на ОИСР покажуваат дека бугарскиот бруто-домашен производ ќе порасне за 2,6% оваа година и за 2,4% во 2027 година. Иако инфлацијата останува повисока од просекот на земјите членки на еврозоната, перспективите за економски раст се оценуваат како позитивни. Според Корман, Бугарија може дополнително да ја зголеми продуктивноста и динамиката на бизнис-секторот преку поедноставување на регулативите, зајакнување на независноста на институциите за заштита на конкуренцијата и поттикнување на инвестициите во истражување и развој.

Во тој контекст се потсетува дека во нацрт-буџетот за 2026 година беа предвидени даночни олеснувања за научно-истражувачка и развојна дејност, кои сепак не беа реализирани. Иако во јануари беа поднесени предлози за измени на Законот за корпоративен данок со цел воведување на овие стимули, тие сè уште не се разгледани во надлежните парламентарни комисии.