Бугарија одбележа 109 години од херојските борби на Кајмакчалан

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија одбележа 109 години од херојските борби на Кајмакчалан

07 октомври 2025

• од Станча Јаќимовски

Во знак на длабока почит кон својата историја и воинска традиција, Копнената војска на Бугарија годинава одбележа 109 години од херојските борби на врвот Кајмакчалан – едно од најславните, но и најтрагични поглавја од бугарската воена историја.

Под водство на генерал-мајор Дејан Дешков, бугарски војници, офицери и гости извршија симболично изкачување на светиот врв и полагaње венци и цвеќе во чест на паднатите херои. Настанот беше проследен со тежок, но возвишен момент на тишина, кога присутните ја симнаа капата и паднаа на колена пред спомен-крстот – симбол на храброста и саможртвата на бугарскиот војник.

„На овој врв е пролета крвта на бугарскиот елитен дух. Нашите војници можеби ја изгубиле позицијата, но никогаш не го изгубија духот и каузата,“ рече генерал-мајор Дешков.
„Кајмакчалан е врв на бугарската воинска слава – симбол на чест, достоинство и пожртвуваност.“

Во церемонијата учествуваа претставници на Министерството за одбрана, Генералштабот, како и Генералното конзулатство на Бугарија во Солун. Под звуците на композицијата „Покојници“, беа положени венци, а присутните гордо го испеаја националниот химн.

Историски симбол на храброст и пожртвуваност

Во септември 1916 година, Бугарската армија храбро го бранеше Кајмакчалан против повеќекратни напади на српските сили. Повеќе од три недели, 11. пешадиски Сливенски полк и делови од 46. полк ја одржуваа својата позиција со неверојатна решителност. Од околу пет илјади војници што се искачиле на врвот, само осумстотини се вратиле – повеќето од нив тешко ранети.

Иако битката завршила трагично, подвигот на бугарските воини останува симбол на несопирлива храброст и љубов кон татковината. Денес, Кајмакчалан не е само планински врв, туку вечно свето место на бугарската воинска чест.

Порака за идните генерации

О.з. генерал Константин Попов изјави:
„Тука се огледува непокорниот бугарски дух. Хероите што паднаа овде оставија живо послание – дека љубовта кон родината и вербата во нејзиниот идеал се вечни. Таа традиција на почит мора да продолжи.“

Со овие зборови, церемонијата заврши во тивка гордост и длабока емоција.
Бугарија уште еднаш покажа дека не ги заборава своите херои, својата историја и својот достоинствен дух.