Бугарија официјално го воведе еврото и стана 21. членка на Еврозоната

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија официјално го воведе еврото и стана 21. членка на Еврозоната

01 јануари 2026

• од Станча Јаќимовски

Бугарија од 1 јануари официјално го воведе еврото како своја валута и стана 21. земја членка на Еврозоната, и покрај противењето што постои во делови од бугарското општество. Со овој чекор, бројот на луѓе кои го користат еврото во Европската унија надмина 350 милиони.

Воведувањето на еврото беше поздравено од претседателката на Европската централна банка, Кристин Лагард, која истакна дека заедничката валута претставува симбол на европското единство и заедничките вредности.

„Еврото е моќен симбол на она што Европа може да го постигне кога работиме заедно, како и на колективната сила што ни помага да се справиме со глобалната геополитичка неизвесност“, порача Лагард.

Бугарија, која е членка на Европската унија од 2007 година, се приклучува на Еврозоната по Хрватска, која го направи истиот чекор на 1 јануари 2023 година. По ова проширување, надвор од еврозоната остануваат само шест земји членки на ЕУ: Шведска, Полска, Чешка, Унгарија, Романија и Данска.

Иако претседателот Румен Радев го оцени воведувањето на еврото како „последен чекор“ во целосната интеграција на Бугарија во Европската унија, тој изрази жалење што граѓаните не биле консултирани преку референдум.

„Одбивањето за одржување референдум е еден од симптомите на длабокиот јаз меѓу политичката класа и народот, што се потврди и со масовните протести низ земјата“, изјави Радев во своето новогодишно обраќање. Според последното истражување на Евробарометар, 49 проценти од граѓаните на Бугарија се против воведувањето на еврото.

Во деновите пред официјалната промена, дел од бизнисите и трговците се соочиле со проблеми во набавката на евра, при што некои не ги добиле нарачаните почетни пакети со готовина. Банките, пак, предупредија на можни краткотрајни прекини во плаќањата со картички и подигнувањето готовина од банкоматите.

Фиксниот курс за конверзија е утврден на 1,95583 бугарски лева за едно евро.