Бугарија подготвена да соборува руски дронови со МиГ-29

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија подготвена да соборува руски дронови со МиГ-29

18 септември 2025

• од Станча Јаќимовски

Бугарија е подготвена да реагира на евентуални руски провокации и да соборува дронови на Москва со своите ловци МиГ-29. Ова го изјави министерот за одбрана Атанас Запрјанов во интервју за bTV, нагласувајќи дека државата презема сериозни мерки за заштита на своето воздушно пространство.

Провокација и реакција на НАТО

Запрјанов ја оцени ситуацијата со руските дронови кои влегуваат во воздушниот простор на Полска како провокација и истакна дека реакцијата на Варшава била „многу адекватна“. Според него, ова не смее да се потцени и затоа НАТО јасно ги осудува руските постапки.

„Започнува операцијата Источна стража. Ние ја сфаќаме оваа провокација сериозно“, изјави министерот и додаде дека Русија во моментот не е подготвена за преговори.

Мерки за одбрана

Министерот увери дека земјата има подготвени сили и средства за заштита на воздушниот суверенитет. „Нашите МиГ-29 се подготвени да соборуваат руски дронови“, порача тој, додавајќи дека граѓаните треба да бидат спокојни, бидејќи и Бугарија и НАТО преземаат сите неопходни мерки.

Инвестиции во одбраната

Запрјанов најави дека Бугарија ќе земе заем од над 3 милијарди евра за финансирање на девет проекти за превооружување. Секој од овие проекти ќе биде разгледан и усвоен од Народното собрание.

„Заемот е исклучително поволен и ќе се враќа во рок од 40 години, при што првите 10 години се грејс-период“, објасни министерот.

Хибридни влијанија

Запрјанов се осврна и на реакциите околу инвестициските планови на германската компанија „Рајнметал“ во Бугарија. Тој нагласи дека зад ширењето на стравови во јавноста стојат хибридни влијанија.