Бугарија повикува на итен прекин на огнот во Газа и ослободување на заложниците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија повикува на итен прекин на огнот во Газа и ослободување на заложниците

10 август 2025

• од Станча Јаќимовски

На позадина на ескалацијата на конфликтот во Газа, Бугарија упати апел за итно и безусловно ослободување на сите израелски заложници што ги држи „Хамас“ во, како што се наведува, нечовечки услови. Ова беше објавено од бугарското Министерство за надворешни работи на социјалната мрежа X, пренесува БНР.

Министерството нагласува дека хуманитарната помош за Газа мора веднаш и без ограничувања да стигне до жителите на појасот, кои се наоѓаат во критична состојба.

Бугарија бара прекин на огнот, но под услови кои ќе доведат до разоружување на „Хамас“ и укинување на неговите воени и политички активности, без промена на демографскиот и територијалниот статус на појасот Газа.

Според соопштението, земјата, заедно со своите партнери од Европската Унија, ќе продолжи да работи за трајно решавање на конфликтот врз основа на принципот на две држави.

Во меѓувреме, вчера Советот за безбедност на Израел го одобри предлогот на премиерот Бенјамин Нетанјаху за воена операција со цел преземање контрола врз градот Газа. Израелската армија од почетокот на конфликтот се воздржуваше од големо навлегување во градот, но новата операција предвидува масовна евакуација на околу 800.000 жители.

Генералниот секретар на ОН, Антонио Гутереш, остро го осуди потегот на Израел, оценувајќи го како „опасна ескалација“.