Бугарија: Русија сака да нѐ дискредитира поради поддршката за Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија: Русија сака да нѐ дискредитира поради поддршката за Украина

19 јули 2025

• од Станча Јаќимовски

Бугарија остро реагираше на тврдењата на руската портпаролка Марија Захарова дека земјата е вмешана во шверц на западно оружје од Украина, нарекувајќи ги ваквите изјави дел од „хибриден напад“ насочен кон дискредитација на земјите кои ја поддржуваат Украина.

Во официјалната реакција на Министерството за надворешни работи на Бугарија се вели дека тврдењата на Захарова се „целосно неосновани, лишени од докази и категорично лажни“. Министерството истакна дека Бугарија како полноправна членка на ЕУ и НАТО строго ги почитува стандардите за контрола на извоз на оружје, како и дека секој трансфер се спроведува со највисоко ниво на транспарентност, одговорност и под меѓународен правен надзор.

„Република Бугарија ги исполнува сите свои обврски и стандардите што произлегуваат од нејзиното членство во демократските заедници на ЕУ и НАТО“, се наведува во соопштението. Институциите надлежни за надзор, како националните така и сојузничките, имаат целосен увид во сите активности поврзани со трансфер на оружје, се додава во реакцијата.

Министерството категорично ги отфрли обвинувањата од Москва, оценувајќи ги како дел од широка дезинформациска кампања, насочена кон нарушување на угледот на земјите кои ѝ даваат поддршка на Украина во нејзината одбрана од „нелегалната и агресивна руска воена инвазија“.

Официјална Софија изрази решеност да продолжи со својата поддршка за Украина, оценувајќи дека ваквите изјави од руските власти претставуваат обид да се наруши европската и евроатлантската солидарност во контекст на тековниот воен конфликт.

Со оваа реакција, Бугарија јасно стави до знаење дека нема да дозволи да биде дел од дезинформациски наративи, ниту да се доведе во прашање нејзиниот кредибилитет како сојузник во рамките на НАТО и ЕУ.