Бугарија со воведување на еврото: Поевтин јавен градски транспорт во Софија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија со воведување на еврото: Поевтин јавен градски транспорт во Софија

02 јануари 2026

• од Станча Јаќимовски

Со воведувањето на еврото, Бугарија прави значаен чекор напред на патот кон европската интеграција, а главниот град Софија го пречекува новиот паричен систем со поевтин и подостапен јавен превоз. Ова го соопштија од граѓанската и политичка организација Спаси Софија.

Од 1 јануари стапија на сила нови цени за билетите и картите за јавен превоз, при што сите превозни документи се заокружени надолу за да бидат што поповолни за граѓаните.

„Додека кај други политички групи сериозно се разгледуваше билетот да чини 1 евро и цените да се зголемат, ние од ‘Спаси Софија’ успеавме да наметнеме пониски цени во интерес на граѓаните“, изјави претседателот на организацијата, Борис Бонев.

Најкористениот билет – Билет 30+ – сега чини 0,80 евра. Дневната карта е намалена на 2 евра, месечната на 25,50 евра, а годишната карта ќе чини 185 евра. Намалени се и цените на сите карти со повластена тарифа, додека децата под 14 години и понатаму ќе патуваат бесплатно на сите линии.

Од „Спаси Софија“ нагласуваат дека јавниот превоз мора да биде достапен за сите, бидејќи охрабрувањето на алтернативите на личниот автомобил е клучно за намалување на сообраќајниот метеж и загадувањето во градот.

Од денес важат и нови правила за т.н. агрегација при плаќање со банкарска картичка. За патувања во рок од еден час, патниците ќе плаќаат еден билет 60+ по цена од 1,10 евра, наместо два билети 30+ кои досега чинеа 1,60 евра. Подобрена е и достапноста на ноќниот превоз – картите што не важат ноќе може да се „надградат“ со доплата од 3 евра за месечни и 30 евра за годишни карти.

Со одлуката за измена на цените е предвидена и дигитализација на превозните документи. Во наредните денови се очекува Центарот за градска мобилност да овозможи дигитална продажба на билети и неперсонализирани карти преку апликации за дигитални паричници.

„Опцијата наскоро ќе биде достапна за Android уреди, а за неколку месеци и за iOS. Во напредна фаза е и развојот на мобилната апликација со која ќе се дигитализираат и повластените превозни документи“, појаснија од организацијата.

„Еврото веќе е тука. Поевтиниот градски транспорт е веќе факт. Среќна Нова година, Софија“, порача Борис Бонев.