Бугарија: започна проект за индустриска зона вреден 255 милиони евра со над 1000 работни места

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија: започна проект за индустриска зона вреден 255 милиони евра со над 1000 работни места

01 јули 2025

• од Станча Јаќимовски

Реализацијата на индустрискиот парк „Индустриска зона Загора – село Еленино“ во Бугарија ќе обезбеди инвестиции во вредност над половина милијарда лева и ќе овозможи отворање на повеќе од 1000 нови работни места. Ова беше соопштено на официјалната церемонија за поставување камен-темелник. Проектот се смета за клучен за економскиот и индустрискиот развој на регионот.

Вкупната вредност на инвестицијата за изградба на инфраструктурата и комуникациската мрежа изнесува 17,3 милиони лева, од кои 14 милиони се обезбедени преку Националниот план за опоравување и одржливост, во рамки на програмата „AttractInvestBG“. Финансирањето се реализира со поддршка од Министерството за иновации и раст и Бугарската банка за развој.

Проектот опфаќа изградба на патна, водоводна и канализациска инфраструктура, реконструкција на општинскиот пат SZR-1190 (кон село Християново), како и паркинг-зона со места за електромобили, товарни возила и автобуси. Целта е да се создаде одржлива инвестициска клима со целосно подготвени терени за индустриска дејност.

„Со оваа иницијатива не само што ја прошируваме Индустриската зона Загора, туку создадаваме реални услови за инвестиции и долгорочен економски развој. Веќе се распределени над 330.000 квадратни метри на инвеститори“, изјави Радослав Танев, извршен директор на „Индустриска зона Загора“ АД.

Според заменик-министерот за иновации и раст Красимир Јкимов, развојот на зоната е одличен пример за успешно јавно-приватно партнерство. Тој додаде дека преку истата програма се градат уште девет индустриски паркови во Бугарија со вкупно финансирање од околу 200 милиони лева.

Изведбата на инфраструктурната иницијатива е доверена на конзорциумот ДЗЗД ДЛВ СП ГРОМА, со проектант „Булпроект“ ЕООД од Стара Загора и со градежен надзор од „Августа Консулт“ ЕООД.

Крајниот рок за реализација на проектот е една година.