Бугарија засади надеж: Над 1.000 нови дрвја по огнена катастрофа!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија засади надеж: Над 1.000 нови дрвја по огнена катастрофа!

10 април 2025

• од Вардарски

Во југозападниот дел на Бугарија, во селото Струмјани под Малешевските Планини, беше спроведена голема еколошка акција за пошумување, откако минатото лето страшен пожар зафати огромна површина од 18.000 хектари шума. Над 1.000 садници беа засадени како дел од напорите за обнова на природата и создавање заштитни шумски појаси против идни пожари.

Инженер Валентин Чамбов, директор на Југозападното државно шумско претпријатие (ЈУЗДП) во Бугарија, изјави дека околу 3.000 хектари биле целосно уништени од таканаречените „врвни пожари“ – огнови кои се движат низ крошните и ја уништуваат шумата неповратно.

Оваа иницијатива во Бугарија е дел од активностите по повод 100 години од одбележувањето на „Неделата на шумата“ и има за цел да ја покаже солидарноста и координираната работа на институциите во справување со еколошките предизвици. Во садењето учествуваа заменик-министерот за земјоделство на Бугарија инж. Стојан Тошев, директорот на бугарската Агенција за шуми Асен Марков, претставници од противпожарната служба, полицијата, војската и бројни волонтери.

На теренот беа засадени садници од космат даб и црн бор, видови што се отпорни и погодни за економски и заштитни цели. Според Чамбов, за пошумување на еден хектар се потребни околу 500 садници.

„Наш приоритет е обнова на уништените шумски површини во југозападна Бугарија. Откако ќе се отстрани изгорената дрвна маса, теренот ќе се подготви за ново садење. Се надеваме дека со заеднички напори ќе ги ублажиме последиците од пожарите и ќе спречиме нови во иднина“, изјави тој.

Во 2024 година, на територијата на ЈУЗДП – Благоевград во Бугарија, веќе се пошумени над 1.221 хектар со разни видови дрвја, меѓу кои дабови, бор, смрча, јасен, црна елша и топола. За 2025 година се планирани нови 915 хектари за пошумување.

Оваа еколошка акција е важен пример за тоа како Бугарија одговорно се справува со еколошките катастрофи и вложува во обнова на своите природни ресурси преку заедничка работа на институциите и граѓаните.