Бугарска компанија инвестира €245 милиони во соларен парк во Летонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарска компанија инвестира €245 милиони во соларен парк во Летонија

15 јули 2025

• од Станча Јаќимовски

Бугарската компанија Sunotec, основана од Калоян Величков и со седишта во Софија и Минхен, продолжува да го засилува своето влијание во обновливата енергетика во Европа. Најновата потврда за тоа е амбициозната инвестиција од €245 милиони во фотоволтаичен проект во Летонија, што претставува една од најголемите енергетски инвестиции во Северна Европа.

Проектот „Lazās Solar Park“ ќе има капацитет од 400 MWp за производство на соларна енергија и дополнителна батериска инсталација со капацитет од 600 MWh, која ќе овозможи складирање и балансирање на енергијата. Според најавите, проектот треба да биде завршен до март 2027 година.

Sunotec ја презеде целата сопственост врз проектната компанија SIA DSE Lazās Solar, со што уште еднаш ја потврдува својата стратешка визија за проширување на присуството во Северна Европа. Основачот и извршен претседател, Калоян Величков, изјави:

„Оваа аквизиција претставува клучен чекор во проширувањето на нашиот стратешки отпечаток во Северна Европа и е продолжение на инвестициите во комбинирани обновливи системи, кои се критични за иднината на чистата енергија.“

Проектот вклучува изградба на нова 330 kV подстаница поврзана со националната мрежа на Летонија, а користената технологија – иновативен едноосен систем за следење на сонцето – овозможува панели што се ориентираат кон исток и запад, зголемувајќи ја продуктивноста во утринските и вечерните часови за околу 11% повеќе енергија годишно во споредба со класичните јужно ориентирани паркови.

Бугарска технологија со европски домет

Основана во 2012 година, Sunotec денес е водечки европски добавувач на соларни решенија со над 11% пазарен удел во изградбата на индустриски фотоволтаични инсталации. Компанијата има реализирано над 650 соларни проекти со вкупен капацитет од 11 GW и вработува повеќе од 2000 експерти.

Sunotec веќе остави силен печат и во Бугарија, каде што го реализираше најголемиот соларен парк во земјата – "Верила" со капацитет од 124 MWp, пуштен во употреба во 2023 година. Овој проект генерира енергија еквивалентна на 12% од вкупниот капацитет на сите соларни инсталации во Бугарија.

Бугарија – горд носител на енергетската иднина

Успесите на Sunotec не се само показател за технолошкиот и бизнис-потенцијал на бугарските компании, туку и доказ за тоа дека Бугарија игра сè поважна улога во транзицијата кон зелена енергија во Европа. Со вакви проекти, Бугарија не само што произведува решенија за сопствени потреби, туку станува и извозник на знаење, иновации и одржлива енергија.

Sunotec е вистински пример како локален претприемач може да стане глобален пионер.