Бугарската православна црква во Рим: Папа Франциск

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарската православна црква во Рим: Папа Франциск – борец за светски мир

21 април 2025

• од Вардарски

Светот денес го загуби еден од најистакнатите духовни лидери на современицата – Папа Франциск. Неговата смрт на 88-годишна возраст беше соопштена од Ватикан, откако долги месеци се бореше со тешка бронхопневмонија и беше хоспитализиран во римската болница „Агостино Џемели“.

По повод неговата смрт, трогателна изјава дојде од Бугарија, поточно од Иван Иванов – претставник на Бугарската православна црква во Рим, кој за Нова телевизија изјави:

„Папа Франциск беше велика личност и радетел за мира. Тој го посвети животот на борбата за мир во светот. Успеваше да ги обедини сите христијани, па и лидери од други религии, со цел заедничко справување со глобалните конфликти. За тоа се бореше до последно.“

Иванов нагласи дека Папа Франциск ја продолжил линијата на мир и дијалог што ја поставија неговите претходници, но со особена харизма, топлина и човечност. Оваа изјава од бугарска страна е доказ за широкото почитување што папата го уживаше и надвор од Католичката црква.

Папа Франциск, роден како Хорхе Марио Берголио во Аргентина, беше првиот папа од Латинска Америка и еден од најголемите застапници за социјална правда, верска толеранција и мир во современиот свет. Неговото дело остави длабоки траги и кај народите на Балканот.

Иако изјавата доаѓа од бугарската православна заедница, таа рефлектира пошироко чувство на почит кое го предизвикуваше Папа Франциск меѓу верници од различни нации и конфесии.

Нека почива во мир човекот кој целиот свој живот го посвети на соединување, разбирање и молитва за мир.