Бугарската воена флота се проширува со бродови „втора рака“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарската воена флота се проширува со бродови „втора рака“

07 септември 2025

• од Станча Јаќимовски

Разговорите на Бугарија со Белгија и Холандија за набавка на уште неколку миноловци „втора рака“ се во завршна фаза, изјави вицеадмирал Митко Петев, советник на претседателот за воена безбедност.

Според него, преговорите се во надлежност на командата на воената морнарица и Министерството за одбрана. Бугарија има долга традиција да купува бродови по симболична, политичка цена, а потоа да ги ремонтира и модернизира. Иако со години се разгледува можноста да се стекне и со подморница по истиот модел, тоа сè уште не е реализирано. Последните разговори за подморници беа со Италија за единици постари од 30 години, но нема информации дали процесот е продолжен.

„Информациите ми укажуваат дека разговорите за новите миноловци се при крај“, рече Петев, нагласувајќи дека набавката е навремена и неопходна.

Значењето на безбедноста на морето

Вицеадмиралот истакна дека на море нема разлика меѓу воено, цивилно, трговско или рибарско бродарство. „Сите се морнари и мора да пловат во безбедни води,“ додаде тој.

Според Петев, гарантирањето на слободата на пловидбата е од исклучително значење, бидејќи дури 90% од светските товари се транспортираат преку морските патишта.

Нови бродови како придонес за индустријата

Како позитивен пример за развој на домашната индустрија, Петев го посочи проектот за изградба на два нови мултифункционални брода во Варна, во соработка меѓу германската компанија „Лурсен“ и бугарската „Делфин“.

Договорот изнесуваше околу 1 милијарда лева, но без боеприпасите и дополнителната опрема сумата ќе се зголеми до приближно 2 милијарди.

Двата нови брода ќе го носат имињата „Храбри“ и „Смели“, а според Петев, нивната изградба е еден од ретките проекти со директно позитивно економско влијание врз благосостојбата на земјата.

Во план е продолжување на програмата за изградба на воени бродови, но, како што рече адмиралот, „прашањето е да се избере вистинскиот момент“.