Бугарски аналитичар со остра анализа: С. Македонија работи против своите интереси

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарски аналитичар со остра анализа: С. Македонија работи против своите интереси

08 ноември 2025

• од Станча Јаќимовски

Република Северна Македонија продолжува да се соочува со сериозни предизвици кои го забавуваат нејзиниот развој и ја туркаат кон длабока политичка, економска и општествена криза. Наместо фокус кон внатрешните проблеми – економската нестабилност, корупцијата и етничките тензии – државното раководство сè уште ја гледа Бугарија како најголем непријател.

Економска зависност и нови долгови

Според авторот, управувањето на Христијан Мицкоски го втурнува државниот буџет во економско заробување. Во мај бил земен кредит од речиси шест милиони евра од Обединетото Кралство за инфраструктурни проекти. Иако буџетот на земјата изнесува околу 14 милијарди евра, ова задолжување, според Христов, создава ризик од длабока долговна криза и финансиска зависност.

Албанскиот фактор и демографските промени

Христов потсетува дека албанската заедница во земјата бележи постојан раст, додека македонското население опаѓа. Со околу половина милион Албанци во северозападниот дел од државата, прашањето за нивната иднина и можните барања за поголема автономија или дури обединување со Албанија, станува сè пореално.

Бугарија како постојана „закана“

Авторот остро го критикува фактот што политичките елити во Скопје и натаму ја користат Бугарија како „внатрешен непријател“. Во медиумите често се пласираат негативни изјави за Бугарија, а во учебниците и понатаму има примери на неточни историски факти и омаловажувачки термини.

Притисок врз луѓе со бугарско самосознание

Христов потсетува на случајот со Љупчо Георгиевски, претседател на бугарскиот културен клуб во Битола, кој е обвинет поради цитат на Иван Михајлов. Слично, бугарските културни центри во Битола и Охрид беа цел на напади, а активистот Христијан Пендиков беше брутално претепан поради своето бугарско потекло.

Договорот за добрососедство – само на хартија

Иако Република Северна Македонија го потпиша Договорот за добрососедство со Бугарија во 2017 година и се обврза да ги вклучи Бугарите во Уставот, Христов смета дека вистинската примена на тие обврски е минимална.

Заклучок

Во својата анализа, Калојан Христов оценува дека додека властите во Скопје ја третираат Бугарија како главен проблем, земјата ќе остане без јасна визија за иднината. Наместо насоченост кон економски развој, општествена стабилност и европска интеграција, Северна Македонија – според Христов – се движи кон изолација и самоуништување.

Автор: Калоян Христов