Бугарски дух во срцето на Молдавија – Потпретседателката Јотова на фестивал во Тараклија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарски дух во срцето на Молдавија – Потпретседателката Јотова на фестивал во Тараклија

20 септември 2025

• од Станча Јаќимовски

Потпретседателката на Бугарија, Илијана Јотова, денеска и утре престојува во Тараклија, Молдавија, каде што учествува во повеќе настани поврзани со образованието и културниот живот на бугарската заедница во регионот, информира прес-службата на бугарскиот претседател.

Награди за младите од дијаспората

Во рамките на посетата, Јотова беше официјален гостин на свечената церемонија за наградување ученици и студенти од бугарската дијаспора во Украина и Молдавија. Тие учествуваа во конкурс за есеј организиран од Бугарското национално радио, под нејзин патронат и со поддршка од Министерството за образование и наука на Бугарија. Учесниците пишуваа за бугарски историски личности со кои би сакале да се сретнат, како и за поеми што им даваат надеж и сила.

Поддршка за високо образование

Подоцна, потпретседателката се сретна со раководството на Русенскиот универзитет „Ангел К’нчев“ и со претставници од новоотворената филијала во Тараклија, која го наследува Тараклискиот државен универзитет „Григориј Цамблак“. Јотова истакна дека оваа трансформација отвора нови перспективи за студирање и привлекување на младите кон современи академски програми. Идејата за отворањето на филијалот потекнува од нејзината прва посета во Молдавија во 2017 година.

Етнокултурен фестивал

Утре, на 20 септември, по покана на претседателот на Тараклискиот регион, Јотова ќе го отвори 24. Меѓународен етнокултурен фестивал „Многуобразие во единството“. Овој фестивал ја афирмира традицијата, животот и културата на различните етнички заедници што живеат во Молдавија. Посебно место има бугарската заедница во Тараклија, која брои повеќе од 70% од локалното население и има над 200-годишна историја.