Бугарскиот европратеник Волгин: Бугарите не се заразени со русофобија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарскиот европратеник Волгин: Бугарите не се заразени со русофобија

15 ноември 2025

• од Станча Јаќимовски

Бугарските граѓани имаат позитивен став кон Русија и не се поддржувачи на „примитивната русофобија“ што, според него, ја промовира актуелната власт во Софија. Ова го изјави европратеникот Петар Волгин за време на неговото обраќање на Меѓународниот форум во Сочи, посветен на односите меѓу БРИКС и Европа.

Волгин нагласи дека не треба да се изедначуваат сегашните лидери на Европската Унија со обичните европски граѓани. Притоа го цитираше рускиот министер за надворешни работи Сергеј Лавров, кој прави разлика меѓу „непријателски влади“ и „непријателски земји“, објаснувајќи дека Русија нема непријателски народи, туку само непријателски политики на одредени влади.

„Да, актуелната бугарска влада ги следи сите глупави одлуки од Брисел и води исклучително штетна политика кон Русија,“ истакна Волгин.

Средби со руски државни функционери

Европратеникот престојува во Сочи како дел од делегацијата на бугарската партија „Възраждане“, предводена од лидерот Костадин Костадинов. Делегацијата остварила средби со претседателот на Комисијата за надворешна политика во Државната дума Леонид Слуцки, како и со заменик-претседателот на Советот за безбедност на Русија, Дмитриј Медведев.

„Русија не може да биде пријател со целиот ЕУ“

Во своето излагање Волгин нагласи дека односите меѓу Русија и Европската Унија често се претставуваат на поедноставен, неточен начин. Според него, Русија не може да има блиски односи со сите институции и лидери на ЕУ, но може да развива „многу плодна соработка“ со одредени европски политичари и партии.

Како примери ги наведе унгарскиот премиер Виктор Орбан и словачкиот премиер Роберт Фицо, за кои рече дека одржуваат одлични односи со Москва. Волгин истакна дека во Европа има многу партии кои се подготвени да работат со Русија, не поради „русофилски чувства“, туку од чиста прагматичност и во интерес на своите држави.

Прагматичност пред емоции

Волгин смета дека европските санкции кон Русија и откажувањето од руските енергетски ресурси најмногу им штетат на самите европски економии. Како пример ја наведе Унгарија, која продолжува да се потпира на руски енергенси и, според него, има најниска цена на енергијата во ЕУ.

Тој го опиша развојот на настаните во Унгарија, Словачка, а сега и во Чешка, како „процес“ кој добива на сила. Меѓу примерите го наведе новиот претседател на чешкиот парламент Томио Окамура, кој го отстрани украинското знаме од зградата на парламентот.

„Кариера преку антируски ставови“

Европратеникот остро ги критикуваше европските лидери, тврдејќи дека антируската политика во ЕУ е резултат на „директива од американските началници“. Тој рече дека во Брисел кариерниот напредок често зависи од жестоки антируски ставови.

„Механизмот е навредливо едноставен – зборуваш лошо за Русија и напредуваш кариера. Може брзо да станеш министер, па дури и еврокомесар. Не се потребни професионални квалитети – доволно е да бидеш русофоб,“ изјави Волгин.

„Руската култура е најголемото богатство“

Во заклучок, тој ја нагласи важноста на руската култура, уметност и филозофија, оценувајќи ги како највредните богатства на Русија. Според него, тие треба активно да се покажуваат пред светот како „имунизација“ против, како што рече, „вирусите на антируска хистерија“.