Бугарскиот премиер Росен Жељазков: Црна Гора да стане 28 член на ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарскиот премиер Росен Жељазков: Црна Гора да стане 28 член на ЕУ

09 септември 2025

• од Станча Јаќимовски

Бугарскиот премиер Росен Жељазков, за време на официјалната дводневна посета во Црна Гора, изрази желба земјата да стане 28. членка на Европската унија.

Во рамки на посетата, Желјазков и неговиот колега, премиерот на Црна Гора Милојко Спаич, потпишаа Спогодба за научна и технолошка соработка меѓу владите на двете земји. Церемонијата се одржа во претставителната резиденција на владата во Подгорица – Вила „Горица“.

Договори за транспорт и подобра поврзаност

Паралелно, вицепремиерот и министер за транспорт и комуникации на Бугарија, Гроздан Караџов, и неговата колешка од Црна Гора, министерката за транспорт Маја Вукиќевиќ, потпишаа Заедничка декларација за соработка во областа на воздушниот транспорт. Создадена е и експертска работна група која ќе ја подготви новата авиолинија меѓу двете земји, со учество на транспортните министерства, авијациските власти и аеродромските оператори.

Желјазков потенцираше дека подобрата поврзаност е клучна за развојот на економските врски, и истакна дека искуствата на Бугарија во користењето на европските фондови и јавно-приватните партнерства може да бидат корисни за Црна Гора.

Поддршка за европската перспектива на Црна Гора

„Сигурен сум дека Црна Гора ќе биде дел од Европската унија. Колку повеќе држави членуваат, толку ЕУ станува посилна“, рече Желјазков, нагласувајќи дека Западен Балкан наскоро ќе може да се пофали со успешен процес на проширување, што ќе донесе стабилност и безбедност во регионот.

Тој потсети дека од прогласувањето на независноста на Црна Гора, Бугарија секогаш била доследен поддржувач на нејзината европска иднина.

Подоцна во текот на денот, бугарскиот премиер оствари средба и со претседателот на Црна Гора, Јаков Милатовиќ, при што ја потврди поддршката на Софија за европскиот пат на Подгорица и ја поздрави амбициозната реформска агенда на земјата.

Регионална стабилност и заедничка визија

Желјазков подвлече дека и двете земји делат заедничка визија како членки на НАТО и партнери во европските процеси. Тој ја нагласи потребата од засилена регионална соработка и истакна дека Бугарија ќе продолжи да ги поддржува сите држави кои се подготвени за членство во ЕУ врз основа на сопствени заслуги.

Во своето обраќање, премиерот направи и паралела со бугарското искуство во процесот за влез во Шенген-зоната, потсетувајќи дека често реформите и подготовките не се признаваат доволно брзо.

Внатрешнополитички пораки

На новинарско прашање за изјавата на претседателот Румен Радев по повод празникот 6 Септември, Желјазков изјави дека тоа е ден на единство и национално сплотување, ден во кој целата нација треба да биде обединета не само територијално, туку и духовно.