Бугарските војници се вратија од Косово со високи пофалби

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарските војници се вратија од Косово со високи пофалби

24 јули 2025

• од Станча Јаќимовски

Бугарија уште еднаш го потврдува своето значајно место во рамките на меѓународната безбедност и колективната одбрана. На свечениот прием на механизираната рота која се врати од мисијата на НАТО силите за стабилизација во Косово (KFOR), министерот за одбрана Атанас Запрајанов со гордост истакна дека бугарските војници ја демонстрирале својата подготвеност, професионалност и висока морална вредност во сложена мултинационална средина.

Министерот Запрајанов ја потенцираше улогата на Бугарската армија како активен учесник не само во мировни мисии, туку и како силна компонента на колективната одбрана во рамките на НАТО. „Вие бевте амбасадори на Бугарија, покажувајќи дека нашата армија е способна да учествува во операции за зачувување на мирот, како и да го брани нашиот дом и нашиот сојуз,“ истакна министерот пред присутните на плоштадот „Македонија“ во Благоевград.

Министерот најави и значајни инвестиции во модернизација на воените капацитети, подвлекувајќи ја определбата на Владата за силна и современа армија. До 2030 година се планираат вложувања во износ до 3 милијарди и 67 милиони евра преку Механизмот SAFE на Европската комисија. Овие средства ќе се искористат за набавка на нова техника, вооружување и борбени системи, неопходни за ефикасно извршување на задачите и во време на мир и во услови на потенцијални конфликти.

Старши потполковник Иван Дуков, командантот на ротата, изрази благодарност за укажаната доверба и ја истакна решителноста и мотивираноста на своите војници. „Не само што го исполнивме својот долг, туку и придонесовме за зацврстување на угледот на Бугарската армија и Република Бугарија меѓу нашите партнери,“ рече Дуков.

На свеченоста присуствуваа високи воени и цивилни претставници, вклучително и командантите на СКС и Сухопътните войски, како и локалните власти. Војниците кои учествуваа во мисијата беа одликувани за своето пожртвувано и дисциплинирано делување.

Примерот на Бугарија служи како доказ дека стабилноста и безбедноста на Западниот Балкан е достижна цел, кога постои посветеност, визија и цврста политичка волја. Бугарската армија, преку својот професионализам и модернизација, останува гарант на мирот и иднината на целиот регион.