Цените повторно растат: Дали не очекува нова инфлаторна криза?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Цените повторно растат: Дали не очекува нова инфлаторна криза?

14 јуни 2025

• од Станча Јаќимовски

Светот повторно се соочува со можен нов инфлаторен бран, откако цената на нафтата забележа најголем еднодневен раст од 2022 година. Во петокот, геополитичките тензии меѓу Израел и Иран драматично се влошија, предизвикувајќи потрес на глобалните пазари и нова неизвесност на енергетскиот пазар.

Израелските напади врз нуклеарни и воени цели на Иран ги разгореа стравувањата од проширување на конфликтот на Блискиот Исток — регион кој е клучен за светското снабдување со нафта. Како последица на тоа, цените на нафтата експлозивно пораснаа: американската сурова нафта WTI скокна за 7,26% и достигна цена од 72,98 долари за барел, додека нафтата Брент се искачи за 7% на 74,23 долари за барел, покажуваат податоците од Oil Price.

Овој раст е најголем во еден ден од март 2022 година, кога руската инвазија на Украина предизвика слични шокови на енергетските пазари. Истовремено, производителите на нафта забележаа најсилна неделна добивка од октомври 2022 година.

„За пазарите, фокусот сега е насочен кон тоа како ситуацијата би можела да ескалира“, предупредува Џим Рид, истражувачки стратег во Дојче Банк. Според анализите на „Капитал економист“, главниот канал преку кој би можело да се почувствуваат последиците е токму преку растот на цените на нафтата — фактор што директно ја засилува инфлацијата на глобално ниво.

Со оглед на тоа што енергенсите играат клучна улога во ценовниот ланец, поскапувањето на нафтата може да доведе до нов пораст на трошоците за транспорт, храна и суровини. Ова го става светот во незгодна позиција — во момент кога многу земји се обидуваат да ја стабилизираат економијата и да ја намалат инфлацијата, новиот скок на цените може да ги поништи тие напори.

Останува отворено прашањето дали ова е почеток на нов инфлаторен удар или само краткорочна реакција на нестабилната безбедносна состојба. Сепак, за пазарите, инвеститорите и потрошувачите — претпазливоста е повторно на повисоко ниво.