Центарот на Софија блокиран од масовни анти-владини протести

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Центарот на Софија блокиран од масовни анти-владини протести

01 декември 2025

• од Станча Јаќимовски

Над 50.000 граѓани од Бугарија вечерва се собраа во центарот на Софија на масовен протест против актуелната власт и начинот на кој се води државата.

Незадоволството на граѓаните е насочено кон односот на Влада на Бугарија кон обичните луѓе и деловниот сектор. Главен повод за протестите се најавените зголемени даноци во предложениот државен буџет за 2026 година, со кои граѓаните и бизнисот не се согласуваат и ги сметаат за неправедни и штетни за економијата.

Освен во Софија, дополнителни над 30.000 демонстранти излегоа на улица и во повеќе од 10 големи градови низ Бугарија. Според информации од терен, причина за проширување на протестното движење е и како што велат граѓаните – арогантниот и непочитувачки однос на владата кон граѓаните и приватниот сектор во текот на буџетските преговори.

Во моментов протести се одржуваат и во Варна, Бургас, Русе, како и во Пловдив, каде демонстрантите истакнуваат пароли за оставки, поголема транспарентност и дијалог во носењето на економските политики.

Организаторите на протестите најавуваат дека собирите ќе продолжат и во наредните денови, сè додека буџетските барања на јавноста не бидат слушнати и земени предвид. За сега, од владата нема официјален одговор на барањата од улица, но ситуацијата останува тензична, а граѓаните категорично порачаа дека ќе продолжат да го искажуваат својот глас и револт.