Данска воведува задолжителна воена служба за жените

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Данска воведува задолжителна воена служба за жените

02 јули 2025

• од Станча Јаќимовски

Данска за првпат во својата историја ќе воведе задолжителна воена служба за жените, како дел од напорите за зајакнување на своите вооружени сили во услови на влошена безбедносна состојба во Европа, јавува „Индипендент“.

Новата регулатива ќе се однесува на сите дански граѓани кои ќе наполнат 18 години по 25 јуни. Тие ќе бидат вклучени во лотарија за регрутирање, која ќе биде родово неутрална.

Реформата, која беше усвоена од данскиот парламент во јуни, ја проширува постојната пракса според која мажите се повикуваа по случаен избор, додека жените учествуваа само доброволно. Иако жените веќе сочинуваат околу една четвртина од регрутите од 2024 година, се очекува нивниот број значително да порасне со воведувањето на задолжителната служба.

Воениот рок исто така ќе биде продолжен од досегашните четири на единаесет месеци, што вклучува пет месеци основна обука и шест месеци оперативна служба со дополнителна специјализирана обука. Според плановите, до 2033 година Данска ќе го зголеми бројот на годишните регрути од сегашните 4.700 на 6.500.

Овој потег е дел од пошироката стратегија за зголемување на одбранбените капацитети. Во февруари, Копенхаген најави фонд од 7 милијарди долари за зајакнување на армијата, со цел да се постигне ниво на одбранбени трошоци над 3% од БДП. Финансирањето делумно ќе се обезбеди преку таканаречениот „Фонд за забрзување“.

Полковник Кенет Стрьом, раководител на програмата за регрутација, изјави дека оваа одлука е диктирана од „сегашната безбедносна состојба“ и нагласи дека новите сили ќе придонесат за колективната одбрана на НАТО.

Соседните земји како Норвешка и Шведска веќе воведоа задолжителна воена служба за двата пола — Норвешка во 2013 година, а Шведска во 2017 — како одговор на растечките безбедносни ризици во Европа.