Директни летови од Бугарија до САД ќе започнат во 2026 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Директни летови од Бугарија до САД ќе започнат во 2026 година

24 октомври 2025

• од Станча Јаќимовски

Директните авионски линии меѓу Бугарија и Соединетите Американски Држави ќе отворат нови можности за туристичкиот пазар, ќе го олеснат бизнисот и ќе го зајакнат културниот обмен. Ова го истакна заменик-премиерот и министер за транспорт и комуникации Гроздан Караџов на националната дискусија „Туризам и воздушна поврзаност: Традиционални дестинации и нови пазари – клуч за одржлив раст“.

Според Караџов, бугарскиот авиопревозник GullivAir веќе ги завршил потребните процедури пред американските воздухопловни власти и се подготвува за старт на редовни летови до Њујорк и Чикаго во април 2026 година. Преговорите за слотови на аеродромите „Џон Ф. Кенеди“ и Чикаго се во завршна фаза.

Раст на авиосообраќајот и рекорден број патници

Воздушниот сообраќај во Бугарија продолжува со стабилен раст. Во првите девет месеци од 2025 година, аеродромот „Васил Левски“ во Софија опслужил над 6,28 милиони патници и повеќе од 51 илјада авионски движења, што претставува раст од 5% во споредба со истиот период лани. Очекувањата се до крајот на годината бројот на патници да достигне 8,4 милиони.

„Овој пораст е јасен показател за стабилното развивање на воздушниот транспорт. Варна и Бургас исто така постигнуваат рекордни резултати – над 1,5 милиони патници во Варна и 1,8 милиони во Бургас. До крајот на септември, низ двата морски аеродроми поминале патници колку во текот на целата 2024 година“, истакна Караџов.

Нови линии и зголемено присуство на авиокомпаниите

Свързаноста на земјата се подобрува и преку нови авиолинии и засилено присуство на меѓународни авиокомпании. Аеродромот во Пловдив оваа недела отвора меѓународна линија до Милано, а во ноември ќе се воспостави и врска со Братислава. Мрежата дополнително се проширува со летови до Маракеш, Кишинев, Абу Даби и други европски градови.

Според министерот, Wizz Air моментално работи со седум авиони во Софија и два во Варна, додека Ryanair и Jet2.com го зголемиле своето присуство по должината на Црноморскиот брег. Националниот превозник Bulgaria Air повторно воспостави летови до Париз, Франкфурт и Прага – што е доказ дека Бугарија станува сè поатрактивна дестинација за инвестиции и туризам.

Поддршка и дијалог меѓу институциите

На дискусијата учествуваа заменик-министерката за туризам Ирена Георгиева, како и претставници на авијацискиот и туристичкиот сектор, дипломатски мисии и бизнисот. Настанот беше организиран од Националниот борд за туризам со институционална поддршка на Министерството за туризам и Министерството за транспорт и комуникации.

Директните летови до САД, заедно со растот на авиосообраќајот и новите меѓународни врски, се гледаат како клучен чекор кон позиционирање на Бугарија како регионален центар за туризам и бизнис во југоисточна Европа.