Додека ние земаме кредити, ЕУ ќе додели 15 милиони евра помош за армијата на Албанија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Додека ние земаме кредити, ЕУ ќе додели 15 милиони евра помош за армијата на Албанија

26 јули 2025

• од Станча Јаќимовски

Советот на Европската Унија денеска донесе одлука за обезбедување на дополнителни 15 милиони евра финансиска помош за албанската армија, со цел зајакнување на нејзините одбранбени капацитети и способности. Средствата се доделуваат преку Европскиот мировен инструмент и претставуваат втор ваков пакет поддршка за Албанија.

Претходно, на Албанија ѝ беа доделени 13 милиони евра со истата намена — подобрување на способноста на нејзините вооружени сили за навремено и ефикасно распоредување.

„Албанија е близок и постојан партнер на ЕУ во областа на надворешната и безбедносната политика. Таа придонесува во мисиите на Унијата и е сојузник во НАТО. Зајакнувањето на нашата соработка директно придонесува за европската стабилност, безбедност и мир,“ изјави високата претставничка на ЕУ за надворешни работи и безбедносна политика, Каја Калас.

Според официјалното соопштение на Советот на ЕУ, новата финансиска помош ќе се искористи за набавка на лесни оклопни повеќенаменски, тактички и инженерски возила, како и опрема, услуги и обука неопходни за нивно користење и одржување. Целта е подобрување на учеството на Албанија во мисиите на ЕУ и во други меѓународни коалиции.

Одлуката, како што е наведено, ја потврдува силната посветеност на ЕУ за соработка со Албанија во безбедносниот сектор. Истата произлегува од Договорот за партнерство во безбедноста и одбраната, потпишан во ноември 2024 година, како и од првиот безбедносен и одбранбен дијалог одржан во април 2025 година.

И Северна Македонија е меѓу земјите кориснички на Европскиот мировен инструмент. Во април годинава, македонската армија доби 15 милиони евра за унапредување на одбранбените способности, вклучително и за набавка на опрема за разузнавање, надзор, извидување и електронско војување, комуникациски системи и инженерски возила.

Со ова, вкупната финансиска помош од ЕУ за Северна Македонија од 2023 година досега достигна 38 милиони евра.