Доналд Трамп: Нема шанси БРИКС да го замени американскиот долар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Доналд Трамп: Нема шанси БРИКС да го замени американскиот долар

01 февруари 2025

• од Гоце Кически

Претседателот на САД, Доналд Трамп, изјави дека нема никакви шанси земјите членки на БРИКС да го заменат американскиот долар како доминантна валута во меѓународната трговија.

„Идејата дека земјите од БРИКС се обидуваат да се оддалечат од доларот, додека ние стоиме и гледаме, е ГОТОВА,“ изјави Трамп на платформата за социјални мрежи Truth Social. БРИКС, економската алијанса што ја сочинуваат Бразил, Русија, Индија, Кина и Јужна Африка, неодамна се прошири и со вклучување на Иран, Египет, Етиопија, Индонезија и Обединетите Арапски Емирати.

Трамп додаде дека САД ќе побараат обврзување од „наводно непријателските“ земји на БРИКС дека нема да создадат нова заедничка валута или да поддржат друга валута која би го заменила американскиот долар. Во спротивно, ќе се соочат со тарифи од 100%.

„Тие можат да најдат друга наивна земја. Нема шанси БРИКС да го замени американскиот долар во меѓународната трговија или било каде на друго место, а секоја земја што ќе се обиде да го направи тоа треба да се подготви за тарифи и збогување со Америка!“ нагласи Трамп.

Во последните неколку години, членките на БРИКС разговараат за намалување на зависноста од доларот, а овие дискусии особено се засилија по воведувањето на американските санкции против Русија во 2022 година, поради нејзината „специјална воена операција“ во Украина.