ЕЦБ и Лагард го открија дизајнот на монетите со кои Бугарија ќе влезе во еврозоната

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕЦБ и Лагард го открија дизајнот на монетите со кои Бугарија ќе влезе во еврозоната

30 август 2025

• од Гоце Кически

Претседателката на Европската централна банка, Кристин Лагард, преку социјалните мрежи ја претстави првата официјална најава за изгледот на бугарските евромонети, кои ќе стапат во оптек со приклучувањето на земјата во еврозоната на 1 јануари 2025 година.

Со тоа, Бугарија ќе ја заокружи целосната евроинтеграција помалку од две децении по влезот во Европската унија во 2007 година.

Симболика и дизајн

На националната страна на монетите со апоени од 1, 2, 5, 10, 20 и 50 „стотинки“ ќе биде прикажан Мадарскиот коњаник – уникатен средновековен релјеф од VIII век, впишан на листата на светско културно наследство на УНЕСКО. Коњаникот е претставен како ја прободува лавот, моќен симбол од историјата на Бугарија.

Околу фигурата ќе бидат втиснати 12-те ѕвезди од знамето на ЕУ и натписот „България“ на кирилица.

Наместо досегашниот збор „цент“, Бугарија ќе го користи традиционалниот назив „стотинка“ (во множина „стотинки“). На рабовите на монетите ќе стои натписот „Боже пази България“, идентичен со оној што некогаш се користел на монетите од времето на Кралството Бугарија.

Европски и национален идентитет

Лагард во својата објава порача дека монетите ја задржуваат континуитетот со досегашните бугарски парични симболи и притоа го истакнуваат богатото историско и културно наследство кое е длабоко вкоренето во националниот идентитет.

Со влезот на Бугарија во еврозоната, бројот на земји кои ја користат заедничката европска валута ќе се зголеми на 21.