ЕК: Целосното влегување на Бугарија и Романија во Шенген значително ќе ја зајакне економијата на ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕК: Целосното влегување на Бугарија и Романија во Шенген значително ќе ја зајакне економијата на ЕУ

23 април 2025

• од Вардарски

угарија и Романија со целосното приклучување кон Шенгенската зона на почетокот од оваа година значително ќе придонесат за економската стабилност и развој на Европската Унија. Според најновиот извештај на Европската комисија, двете земји се очекува да заштедат милијарди евра благодарение на намалените логистички трошоци и поефикасниот прекуграничен транспорт.

Извештајот нагласува дека со отстранување на внатрешните гранични проверки, кои претходно ги забавувале испораките и ја зголемувале цената на транспортот, бизнисите во Бугарија и Романија конечно ќе добијат слободен пристап до пазарот на ЕУ, без пречки што досега чинеа милијарди евра годишно.

Приклучувањето на овие земји во Шенген доаѓа по 18 години одложувања, но денес веќе се бележат позитивни ефекти – од економски придобивки до засилена безбедност на надворешните граници. Во извештајот се истакнува успешната соработка меѓу Бугарија, Австрија, Грција, Унгарија, Романија и Словачка во зајакнувањето на шенгенските граници, особено кај бугарско-турската граница.

„Шенгенската зона е клучна за функционирањето на внатрешниот пазар на ЕУ и директно го олеснува секојдневието на околу 450 милиони граѓани,“ стои во документот. Само во минатата година, повеќе од половина милијарда луѓе патувале во рамките на Шенген, што дополнително придонело за економскиот раст.

Дополнително, безбедносните системи на Шенген покажуваат значителни резултати: бројот на нелегални преминувања на надворешните граници е најнизок од 2021 година, а е забележано и зголемување од 12% во бројот на враќања на странски државјани без дозвола за престој.