ЕК: Украина мора да ја гарантира независноста на антикорупциските институции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕК: Украина мора да ја гарантира независноста на антикорупциските институции

28 јули 2025

• од Станча Јаќимовски

Претседателката на Европската комисија, Урсула фон дер Лајен, во неделата ја потврди поддршката на Европската Унија за кандидатурата на Украина за членство во Унијата, но истовремено испрати јасна порака до украинското раководство – да ја обезбеди независноста на антикорупциските тела во земјата.

Во објава на платформата X по разговор со претседателот Володимир Зеленски, фон дер Лајен истакна дека Украина има направено значителен напредок во својата европска интеграција. Сепак, таа подвлече дека неопходно е да се зачуваат независните антикорупциски институции, кои се „темел на владеењето на правото во Украина“.

Станува збор за Националното антикорупциско биро (НАБУ) и Специјализираното антикорупциско обвинителство (САП), чие функционирање под притисок или политичко влијание сериозно може да го загрози реформскиот процес и довербата на меѓународните партнери.

Во своја одделна објава, претседателот Зеленски потврди дека со фон дер Лајен разговарале за интеграцијата на Украина во ЕУ, понатамошни санкции против Русија, како и реформите во антикорупциската инфраструктура на земјата. Тој истакна дека е итно да се усвои закон кој ќе ја гарантира независноста и ефикасноста на овие тела, наведувајќи дека тоа мора да се случи „без одложување, веќе следната недела“.

Во исто време, Зеленски го спомена и потпишувањето на нови закони за реформа на Националната агенција за идентификација, следење и управување со имот стекнат преку корупција и други кривични дела.

Сепак, предизвика сериозни реакции и критики потегот на Зеленски со кој тој претходно потпиша спорен закон што ја става НАБУ и САП под контрола на Генералниот обвинител, кој се назначува од претседателот. Овој чекор беше дочекан со остри реакции од јавноста, протести и критика од Европската Унија, која потсети дека независноста на антикорупциските институции е клучен предуслов за отпочнување на преговори за членство.

Како одговор на критиките, Зеленски најави дека ќе поднесе нов закон со цел да се „гарантира силата на правниот систем“. Регистрацијата на новиот законски предлог од страна на пратениците се гледа како обид за компромис и обнова на довербата, како во земјата, така и меѓу меѓународните партнери.

Во контекст на аспирациите за членство во ЕУ, Украина се наоѓа пред клучен момент – демонстрирање вистинска заложба за владеење на правото и справување со корупцијата. Очите на Брисел остануваат вперени кон Киев.