Економски пресврт: Бугарија го надминува Словачкиот стандард според паритет на куповна моќ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Економски пресврт: Бугарија го надминува Словачкиот стандард според паритет на куповна моќ

14 ноември 2025

• од Станча Јаќимовски

Само два месеца пред влезот на Бугарија во еврозоната, словачкиот весник „Хосподарске новини“ објави репортажа од земјата, анализирајќи го животниот стандард, приходите и трошоците на населението и споредувајќи ги со официјалните статистики во Словачка. Истражувањето покажува дека, иако пред дваесет години Бугарите заработувале трипати помалку од Словаците, денес разликата е сведена на околу една четвртина. Дополнително, пониските цени и помалата потрошувачка на енергија во Бугарија го забрзуваат економското приближување кон Словачка.

Евростат: Бугарите со повисок реален доход од Словаците

Европската статистичка служба Евростат објави податоци за 2023 година кои го земаат предвид и нивоото на трошоци. Според овие показатели, Словаците се блиску до дното во ЕУ со реален месечен доход од 1971 евра пресметан според паритетот на куповна моќ. Бугарите, според истиот метод, располагаат со просечно 2016 евра месечно – повеќе од Словаците. Неочекувано, последни се Грците со 1710 евра.

Иако словачкиот Институт за финансиска политика изрази сомнежи дека Евростат можеби преценува, експертите признаваат дека Словачка навистина почнува да заостанува.

Политичка реакција: Фицо против „манипулациите“

Во исто време кога репортажата беше објавена, словачкиот премиер Роберт Фицо ја искоментира ситуацијата, упатувајќи критики кон опозицијата и медиумите. Тој тврдеше дека изјавите за повисок животен стандард во Бугарија се злоупотребуваат за „антисловачка пропаганда“.

„Ги сакам Бугарите и им посакувам сè најдобро. Ги поддржавме за пристапувањето во еврозоната“, изјави Фицо.

Истовремено ги повика медиумите и опозицијата да не ги злоупотребуваат словачко–бугарските односи, поздравувајќи ја и иницијативата на бугарскиот парламент за формирање комисија за истрага поврзана со семејството Сорос.

Факти: приходи, трошоци и цени

И покрај тоа што Бугарите заработуваат околу една четвртина помалку од Словаците, нивните трошоци се значително пониски, особено за енергија.

Според порталот energy.at-site.be, просечен Бугарин троши околу 10 kWh дневно, додека Словаците речиси 16 kWh.
Разликата најмногу се должи на пониските трошоци за греење поради поблага клима.

Цените, исто така, играат голема улога:

Во првата половина на 2025 година, еден киловатчас електрична енергија во Словачка чини 19 евроценти, а во Бугарија 13 евроценти.
Природниот гас е поевтин во Словачка (5,9 евроценти), но во Бугарија учествува со само 3% во домашната потрошувачка.
Горивата се значително поевтини во Бугарија – бензин околу 1,20 евро, во Словачка над 1,50 евро.

Евростат проценува дека општото ценовно ниво во 2024 година во Словачка достигнува 81% од просекот на ЕУ, додека во Бугарија е 60%.

Бугарија го намалува јазот

Во изминатите дваесет години Бугарија постепено го стигнува економскиот развој на Словачка. Иако инфлацијата во 2024 година во Бугарија изнесува околу 6%, а во Словачка над 4%, тоа не ја менува тенденцијата на постепено приближување.

Според словачките аналитичари, климатските разлики секогаш ќе играат улога во трошоците за енергија, но владините политики се од клучно значење за одржлив раст: инвестиции, деловна клима, даночна политика и продуктивност.

„Стандардот на живеење е во рацете на владите. Од нив зависи дали ќе создадат услови во кои луѓето работат повеќе ‘за себе’ отколку ‘за државата’“, заклучува словачкото издание.