ЕУ може наскоро да отвори преговори за членство со Молдавија и Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ може наскоро да отвори преговори за членство со Молдавија и Украина

27 август 2025

• од Гоце Кически

Одлуката за отворање на „преговарачки кластер“ за пристапувањето на Молдавија и Украина во Европската Унија може да биде донесена „во наредните денови или недели“, објави европското издание Politico, повикувајќи се на извори.

Според информациите, претседателот на САД Доналд Трамп успеал да го убеди унгарскиот премиер Виктор Орбан да го повлече ветото за пристапување на Украина во заедницата. Тоа, како што се наведува, ќе овозможи во наредните месеци да се надмине „ќорсокакот“ околу приклучувањето на двете источни европски држави кон ЕУ.

Друг неименуван дипломат смета дека не треба да се брза со отворање на „преговарачка група“ за Молдавија во пресрет на парламентарните избори во земјата. „Јасно е дека некои сакаат да ѝ понудат на Молдавија преговарачка платформа, но тоа да се направи поради претстојните избори би било кратковидо и на крајот контрапродуктивно,“ изјавил тој.

Во меѓувреме, лидерите на Франција, Германија и Полска ќе се соберат во малата Молдавија во среда за да ги повикаат граѓаните да продолжат да се оддалечуваат од Русија и да ја поддржат својата проевропска влада.

Претседателката Маја Санду и нејзината владејачка Партија за акција и солидарност (PAS) се соочуваат со клучни парламентарни избори на 28 септември, во услови на предупредувања дека Кремљ се обидува да влијае врз резултатите и да ги спречи напорите на земјата за приближување кон ЕУ.

„Ќе има луѓе кои ќе се обидат да нѐ заведат. Претходно се обидоа... Но, молдавскиот народ знае што е најдобро за нив,“ треба да изјави Санду на митинг по повод Денот на независноста во среда.

Следните парламентарни избори во Молдавија се закажани за 28 септември 2025 година. Politico претходно објави дека дел од земјите членки на ЕУ сакаат да го забрзаат процесот на приклучување на републиката, со цел да ги поддржат проевропските партии на изборите.