ЕУ застана зад Венецуела: Решението мора да биде во согласност со меѓународното право

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ застана зад Венецуела: Решението мора да биде во согласност со меѓународното право

04 јануари 2026

• од Станча Јаќимовски

Претседателката на Европската комисија, Урсула фон дер Лајен, соопшти дека Европската Унија цврсто стои зад народот на Венецуела и ја поддржува мирната и демократска транзиција на власта. Пораката беше објавена на социјалната мрежа X, каде што таа нагласи дека секое можно решение мора да биде во согласност со меѓународното право и Повелбата на Обединетите нации.

„Ние стоиме зад народот на Венецуела и поддржуваме мирна и демократска транзиција. Секое решение мора да го почитува меѓународното право и Повелбата на ОН“, напиша фон дер Лајен.

Таа додаде дека ЕУ внимателно ја следи состојбата во земјата и упати порака до граѓаните на ЕУ кои престојуваат во Венецуела дека можат да сметаат на целосна поддршка од европските институции.

Во меѓувреме, во јавноста се појавија информации за наводни напади врз Венецуела од страна на САД. Претседателот на САД, Доналд Трамп, преку објава соопшти дека венецуелскиот претседател Николас Мадуро и неговата сопруга наводно биле уапсени и изнесени од земјата.

Според истите извештаи, американските сили извеле голема воена операција, а апсењето на Мадуро наводно го спровела елитната единица за специјални операции на американската армија, Делта Форс. Ситуацијата и понатаму се развива, а меѓународната заедница внимателно ги следи настаните.