Евробарометар: Поддршката за ЕУ на највисоко ниво од 2007 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Евробарометар: Поддршката за ЕУ на највисоко ниво од 2007 година

28 мај 2025

• од Гоце Кически

Најновиот извештај на Европската комисија, објавен преку редовното истражување на Евробарометар, покажува драматично зголемување на довербата на граѓаните на Европската Унија во нејзините институции – највисоко ниво во последните речиси две децении. Според анкетата, 52% од Европјаните изразуваат доверба во ЕУ, додека довербата кај младите (возраст 15-24) достигнува импресивни 59%.

Овие резултати доаѓаат во критичен момент за Северна Македонија, која стои пред историска шанса да ги продолжи евроинтегративните процеси. Стабилната и растечка поддршка за Унијата ја потврдува перспективата дека иднината на земјите од Западен Балкан е токму во ЕУ, особено кога реформите се водат со јасна волја и подготвеност за напредок.

Во контекст на евроатлантските процеси, Северна Македонија има уште еден важен чекор – усвојување на уставните измени со кои Бугарите, заедно со други заедници, ќе бидат вклучени во Преамбулата на Уставот. Тоа не е само формално исполнување на условите за отпочнување на преговорите, туку и силна порака дека државата е подготвена за европски вредности: инклузивност, почитување на различноста и владеење на правото.

Истражувањето на Евробарометар покажува и силна поддршка за заедничка политика во безбедноста и одбраната (81%), како и за економската и монетарна унија – со рекордни 83% поддршка во еврозоната. Тоа е уште еден сигнал дека ЕУ не само што преживува турбулентни времиња, туку се консолидира и подготвува за нови предизвици, вклучувајќи ја и агресијата на Русија врз Украина, која 77% од Европјаните ја сметаат за сериозна закана.

Во време кога евроатлантските партнери се прераспределуваат, а светскиот поредок е во промена, за Северна Македонија не постои посилна алтернатива од целосна интеграција во Европската Унија – преку доследни реформи, градење доверба и одлучни чекори кон заедничка европска иднина.

Европа е подготвена. Северна Македонија, време е и ние да бидеме.