Европратеник од Бугарија: Апсурдно е ЕП да гласа за македонскиот јазик

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европратеник од Бугарија: Апсурдно е ЕП да гласа за македонскиот јазик

07 јули 2025

• од Станча Јаќимовски

Бугарскиот европратеник Емил Радев изјави дека Европскиот парламент не треба да се претвора во историски или лингвистички институт, ниту да дискутира и гласа за формулации кои задираат во прашања како македонскиот јазик и идентитет. Според него, таквите теми немаат место во извештајот за напредокот на Република Северна Македонија во процесот на пристапување кон Европската Унија.

„ЕП не е ниту историски, ниту лингвистички институт и апсурдно е дури да се дискутира, а камоли да се гласа за политички формулации кои се однесуваат на јазикот и националниот идентитет. Со тоа би се легитимирале позиции што можат да се претворат во алатка за политичка манипулација“, порача Радев.

Тој ја потенцираше позицијата дека Бугарија не сака да го блокира процесот на европска интеграција на Западен Балкан, туку инсистира истиот да се одвива според утврдени принципи, без искривување на историската вистина и без заобиколување на преземените обврски. „Овие обврски не се само кон Бугарија, туку кон целата ЕУ“, додаде европратеникот.

Радев истакна дека три од вкупно 28 поднесени амандмани во Европарламентот предвидуваат да се отстранат спорни референци за македонскиот идентитет и јазик. Тие амандмани се поднесени од најголемите политички групи, меѓу кои Европската народна партија (ЕНП), социјалистите и групата „Обновена Европа“.

„Им благодарам на колегите од ЕНП за иницијативата, со која се дава сериозна поддршка на бугарската позиција“, рече Радев и додаде дека очекува во текот на неделата мнозинството европратеници да ги поддржат релевантните амандмани во пленарната сала.

Според него, сите бугарски европратеници имаат единствен став околу ова прашање и ќе продолжат да инсистираат спорните концепти да бидат категорично отфрлени.

На прашањето дали меѓу европратениците постои разбирање за бугарските барања и историските аргументи, Радев истакна дека свеста за бугарската позиција се зголемува, особено кога е јасно аргументирана и поткрепена со факти.

„Многу европратеници разбираат дека долгорочниот напредок во регионот е невозможен без фер и почитувачки однос кон историските прашања. Иницијативата за амандманите е доказ за ова. Работиме постојано и вложуваме напори за да се продолжи конструктивниот дијалог меѓу Бугарија и Северна Македонија“, заклучи Радев.