Европската комисија ја претстави првата Стратегија за управување со азил и миграција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европската комисија ја претстави првата Стратегија за управување со азил и миграција

02 февруари 2026

• од Гоце Кически

Европската комисија ја претстави првата Европска стратегија за управување со азил и миграција, документ што ги утврдува политичките цели на Унијата во оваа област и поставува конкретни приоритети за наредните пет години.

Стратегијата означува ново поглавје во европскиот пристап кон миграцијата и азилот, надоврзувајќи се на напредокот во заштитата на надворешните граници, поактивната миграциска дипломатија и реформите воведени со Pact on Migration and Asylum. Според Комисијата, овие чекори веќе придонеле за стабилно намалување на нелегалната миграција и поефикасно управување со миграциските текови.

Централната порака на новата Стратегија е дека Европа самата одлучува кој може да влезе во ЕУ и под кои услови, воспоставувајќи систем што е истовремено правичен и цврст, а воедно усогласен со европските вредности и основните права.

Три главни цели

Стратегијата поставува три клучни цели:

Спречување на нелегалната миграција и разбивање на криминалните мрежи за криумчарење луѓе;
Заштита на лицата кои бегаат од војна и прогон, со спречување злоупотреба на системот;
Привлекување таленти во ЕУ за зголемување на економската конкурентност.

Пет приоритети за следните пет години

Засилена миграциска дипломатија

ЕУ ќе ја интензивира соработката со земјите партнери преку сеопфатни партнерства, користење инструменти како визна политика, трговија и финансиска поддршка, како и пристап „по целата рута“ за управување со миграциските текови. Ќе се зајакне и глобалната борба против криумчарењето мигранти, вклучително и преку нов режим на санкции.

Силни надворешни граници на ЕУ

Frontex ќе добие дополнително зајакната улога, а ЕУ ќе воспостави напреден дигитален систем за управување со границите преку воведување на Entry/Exit System и новиот European Travel Information and Authorisation System. Сите нелегални пристигнувања ќе подлежат на гранични процедури согласно Пактот.

Цврст и правичен систем за азил

Комисијата ќе им помогне на националните власти во спроведување на новите правила преку посебни тимови и дополнителни 3 милијарди евра. Ќе се обезбеди континуирана солидарност меѓу земјите членки и понатамошно унапредување на системот, вклучително и преку ревидирање на концептот „безбедна трета земја“.

Поефикасно враќање и реадмисија

Со оглед дека само околу една четвртина од лицата на кои им е наредено да ја напуштат ЕУ навистина се враќаат, Стратегијата предвидува создавање заеднички европски систем за враќање врз основа на новата регулатива, со дигитализирани процедури и воспоставување „центри за враќање“.

Мобилност на труд и таленти

ЕУ има намера да стане попривлечно место за глобалните таленти преку нови Партнерства за таленти, поедноставување на процедурите за признавање квалификации и борба против нелегалното вработување и експлоатација.

Дигитализација и вештачка интелигенција

Стратегијата предвидува поширока употреба на дигитализацијата и вештачката интелигенција во управувањето со азилот и миграцијата, вклучително и формирање Форум за ВИ во миграцијата уште оваа година, со цел да им се обезбедат на земјите членки побезбедни и поефикасни алатки за донесување одлуки.

Финансиска поддршка

За спроведување на Стратегијата, ЕУ планира најмалку 81 милијарда евра во рамките на новата повеќегодишна финансиска рамка 2028–2034, наменети за политики во внатрешните работи и за глобални партнерства.

Правна основа

Изработката на оваа Стратегија произлегува од обврските утврдени во Asylum and Migration Management Regulation, која бара и земјите членки и Комисијата да имаат долгорочни стратегии за ефикасно управување со системите за азил и миграција на ниво на Унијата.