Европската комисија подготвува дигитален "омнибус"

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европската комисија подготвува дигитален "омнибус" – очекуван во декември

16 јули 2025

• од Тодор Вангелов

Европската комисија работи на пакет за поедноставување на дигиталната регулатива, т.н. „дигитален омнибус“, кој треба да биде објавен во декември. Предлогот, кој има за цел да ги олесни правилата за дигиталниот сектор, би требало да ги опфати и неодамна усвоените Акт за вештачка интелигенција (AI Act) и Акт за дигитални услуги (DSA), изјави данската министерка за дигитални прашања Каролине Стаге Олсен во интервју за Euronews.

„Важно е да потенцираме дека нема недопирливи теми. Мора да ги прегледаме сите наши дигитални прописи и сите 27 земји-членки да видат каде може да се поедностават,“ рече Стаге Олсен.

Данска во јули ја презеде ротационата претседателска улога на состаноците на министрите на ЕУ, и ќе биде одговорна за постигнување компромиси во областа на дигиталното законодавство до декември.

Комесарката за технологија на ЕУ, Хена Виркунен, претходно објави дека Комисијата спроведува „проверка на дигиталната прилагоденост“, која ќе резултира со „омнибус“ пакет за поедноставување, планиран за 10 декември. Целта е да се идентификуваат административни обврски во постојната регулатива што може да се укинат за да им се олесни животот на претпријатијата, особено на малите и средни компании.

Останува прашањето дали пакетот ќе ги опфати и правилата од AI Act, DSA и Digital Markets Act (DMA), со оглед на тоа што тие стапија на сила пред помалку од две години и сè уште не се целосно применети.

Стаге Олсен посочи дека е важно да се размисли дали Актот за вештачка интелигенција воведува непотребни административни оптоварувања за компаниите. Законот, кој класифицира системите на вештачка интелигенција според нивниот ризик, стапи на сила во август 2024 година, но целосната примена се очекува дури во 2027.

„Ако има делови што може да се поедностават или толкувањата да станат полесни за компаниите, или пак да се намалат обврските за известување, би било глупаво да не го сториме тоа,“ рече таа, нагласувајќи дека е подобро компаниите да не трошат непотребно многу средства на имплементација.

Притисоци врз AI Act

AI Act и неговиот Кодекс на пракса – доброволни насоки за провајдери на модели на вештачка интелигенција како ChatGPT и Claude AI – беа предмет на интензивно лобирање. Повеќе од 40 генерални директори на европски компании, меѓу кои ASML, Philips, Siemens и Mistral, побараа „двегодишен застој“ во примената на одредбите од законот, тврдејќи дека времето за прилагодување е премногу кратко.

САД и неколку американски технолошки компании исто така изразија критики, тврдејќи дека правилата ја попречуваат иновацијата.

Стаге Олсен негираше дека ревизијата на AI Act е поврзана со американските ставови.

„Ова е за нашата способност да стоиме на свои нозе. Индиректно, се разбира дека има врска со САД – затоа што мора да држиме чекор со нив. Ако сакаме да водиме во трката за технологија, мора да се разбудиме и да почнеме нешто да правиме. Треба да ги поедноставиме правилата заради нас самите, а не за другите,“ рече таа. „Сите што работат во Европа, мора да ги почитуваат европските правила.“

Заштита на малолетници и борба против deepfake

Во своето обраќање во Европскиот парламент во вторникот, Стаге Олсен ја претстави агендата на Данска за претседателството во наредните шест месеци, истакнувајќи дека заштитата на малолетници на интернет е најголем приоритет.

„Ќе го искористам претседателството за да ја ставам оваа тема на врвот на агендата и да поставам јасна политичка амбиција која ќе ја насочи политиката на ЕУ во иднина,“ изјави таа, додавајќи дека Данска ќе се залага за задолжителни алатки за проверка на возраста.

Истовремено, данскиот министер за култура Јакоб Енгел-Шмит објави дека ќе бара поддршка низ Европа за воведување построги мерки против „deepfake“ содржини. Данска неодамна усвои закон што го криминализира споделувањето дигитални имитации на лични карактеристики на поединци.