Европскиот парламент го избриша ,, Македонскиот идентите и јазик" од извештајот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европскиот парламент го избриша ,, Македонскиот идентите и јазик" од извештајот

09 јули 2025

• од Станча Јаќимовски

Европскиот парламент го усвои годишниот извештај за напредокот на Северна Македонија, подготвен од известувачот Томас Вајц, но од документот беа отстранети сите формулации кои се однесуваат на „македонска идентичност“ и „македонски јазик“. Според бугарската новинска агенција БГНЕС, ваквата одлука била донесена со согласност на трите најголеми политички групации во Европарламентот – Европската народна партија (ЕНП), Социјалистите и демократите (С&Д) и центристичката група Обнови Европа.

Освен извештајот за Северна Македонија, европратениците на истата седница ги усвоија и извештаите за Албанија, Босна и Херцеговина и Грузија. Дебатата за македонскиот извештај се одржа на 8 јули, а гласањето се спроведе ден подоцна.

Известувачот Вајц нагласи дека во извештајот е вметнато јасно барање за уставни измени, со цел вклучување на Бугарите во Преамбулата на македонскиот Устав. Тој посочи и на сè поголемото странско влијание во земјата, кое, според него, доаѓа од Србија, Кина и Русија.

Оштра осуда за концептот „Српски свет“

Во усвоената резолуција, базирана на извештајот на Вајц, Европскиот парламент изразува сериозна загриженост поради растечкиот политички и медиумски проект „Српски свет“. Се наведува дека овој концепт ја поткопува сувереноста на Северна Македонија и на целиот регион, а особено се потенцира дека „дел од политичари во македонската влада го поддржуваат и промовираат овој проект“.

Овој геополитички концепт, според резолуцијата, не е само економска иницијатива, туку стратегија која има за цел дестабилизација и редефинирање на границите на Балканот – вклучувајќи ги Република Српска, Црна Гора, Косово и Северна Македонија.

Во точка 80 од документот, Европскиот парламент остро реагира на учеството на македонски претставници во иницијативи кои создаваат зони на влијание што ја загрозуваат регионалната стабилност.

Во точка 81 се нагласува потребата од отворање на архивите на поранешните југословенски тајни служби – УДБА и КОС – како во Северна Македонија, така и во Србија. Овој чекор, според европратениците, е неопходен за да се надмине тоталитарното минато и да се зајакнат демократијата и институциите во регионот.

Хибридни закани и странски влијанија

Европскиот парламент предупредува дека Северна Македонија е изложена на сериозни странски влијанија, кои имаат цел да го нарушат општественото ткиво на државата и да поттикнат антиевропско расположение. Особено се споменуваат српски медиуми и таблоиди кои, според резолуцијата, ја шират кремљовската пропаганда и имаат значително медиумско влијание во земјата.

Дополнително, документот посочува дека Кина преку „информациска контрола, дипломатија преку инвестиции и непрозрачни договори за заеми“ се обидува да го прошири своето влијание. Забележано е дека кинески дипломатски структури финансирале платени содржини во македонски медиуми, без транспарентна ознака.

Според анализа од 2023 година, проруски структури користеле српски медиумски канали за да шират наративи против НАТО и за да прикажат дека ЕУ врши притисок врз Скопје да се откаже од сопствениот идентитет.

Во резолуцијата се истакнува дека земјите од Западен Балкан, меѓу кои и Северна Македонија, се особено подложни на дезинформации, хибридни закани, корупција и влијание преку економска зависност. Посебна загриженост се изразува за улогата на Унгарија и Србија во поддршка на геополитичките интереси на Кина и Русија, а се споменува и ризикот од финансиска зависност преку асиметрични договори – како пример се наведува заемот од Унгарија за Северна Македонија, кој наводно има кинеско потекло.