Финска заврши 35 километри од новата ограда на границата со Русија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Финска заврши 35 километри од новата ограда на границата со Русија

22 мај 2025

• од Вардарски

Финска заврши со изградба на првите 35 километри од оградата висока 4,5 метри долж нејзината источна граница со Русија, соопшти финската гранична служба во средата, пренесе „Ројтерс“. Целта на оградата е да се спречи нелегално преминување на мигранти низ шумските и руралните подрачја.

Изградбата на оградата, која треба да покрие 200 километри од вкупно 1344 километри граница со Русија, започна минатата година, како одговор на бранот мигранти што преку Русија пристигнаа во Финска во 2023 година. Финските власти тврдат дека Москва намерно го организирала тој прилив.

„Главната цел на оградата е да овозможи контрола врз голема група луѓе доколку се обидат масовно да влезат во Финска од Русија“, изјави Анти Вирта, заменик-командант на граничниот регион во Југоисточна Финска.

Во областа Нујамаа, кај еден од сега затворените гранични премини, ситуацијата е мирна – единствените звуци се оние на птиците од двете страни на новата ограда. Сепак, Финска се соочува со критики не само од Русија, туку и од меѓународни организации поради одлуката да ја затвори границата и да подигне ограда.

По децении на мирни односи со Русија, Финска се приклучи на НАТО пред две години, како реакција на руската инвазија на Украина – потег што предизвика остри реакции од Москва.

Во текот на 2023 година, околу 1300 мигранти од земји како Сирија и Сомалија пристигнаа преку Русија на финската граница барајќи азил. Како одговор, финските власти ги затворија сите осум гранични премини за патници на неодредено време.

Русија ги отфрли тврдењата дека стои зад миграцискиот бран и изрази жалење за одлуката на Финска, оценувајќи ја како одраз на „антируската позиција“ на Хелсинки.

И покрај тоа што по затворањето на границата речиси и да нема нови обиди за нелегално преминување, граничната служба инсистира дека изградбата на оградата е неопходна.

„Граничната бариера е апсолутно неопходна за одржување на безбедноста“, изјави Самуел Силјанен, раководител на операции во Граничната служба. Според него, оградата ја зголемува способноста за набљудување, спречување инциденти и борба против организираната миграција.

Европскиот суд за човекови права побара од Финска да ја оправда одлуката за затворање на границата на неодредено време. Комесарот за човекови права при Советот на Европа, Мајкл О'Флахерти, предупреди дека таквите мерки може да ги прекршат меѓународните обврски, вклучително и забраната за колективно враќање на мигранти.

Оградата е составена од метална конструкција висока 3,5 метри, над која е поставена дополнителна ролна со бодликава жица висока еден метар. Таа е опремена со камери, сензори, звучници и осветлување. Очекувањата се дека целосната изградба ќе заврши до крајот на 2026 година.