Фон дер Лајен пред Европскиот парламент: Крај на сиромаштијата во Европа до 2050 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Фон дер Лајен пред Европскиот парламент: Крај на сиромаштијата во Европа до 2050 година

10 септември 2025

• од Станча Јаќимовски

Претседателката на Европската комисија, Урсула фон дер Лајен, во своето годишно обраќање за состојбата на Унијата пред Европскиот парламент во Стразбур, најави амбициозни иницијативи и реформи кои ќе го обликуваат идниот развој на ЕУ. Таа посочи дека главни приоритети ќе бидат искоренувањето на сиромаштијата до 2050 година, воведување нова европска политика за достапни домови и целосен прекин на зависноста од „валканите“ руски фосилни горива.

Борба против сиромаштијата и нов закон за работни места

Фон дер Лајен најави креирање на нов „Закон за квалитетни работни места“, со кој ќе се заштитат работниците и ќе се обезбеди социјална правда. Според неа, ЕУ мора да донесе амбициозна стратегија за борба со сиромаштијата, која ќе вклучи и детска гаранција за заштита на најмладите.

Енергетска независност и „Енергетски магистрали“

Еден од клучните акценти беше прекинот на зависноста од руските енергенси. Таа истакна дека иднината лежи во чистата локална енергија, како обновливите извори и нуклеарната енергија. ЕК ќе предложи иницијатива „Енергетски магистрали“ за модернизација на енергетската инфраструктура и побрзо одобрување на нови проекти.

Достапни домови за сите

Претседателката на ЕК објави и европски план за станбена политика, нагласувајќи дека растот на цените на становите и наемите претставува сериозна социјална криза. Планот предвидува олеснување на изградбата на нови домови, студентски домови и законска рамка за краткорочните изнајмувања.

Поддршка за автомобилската индустрија

Фон дер Лајен се осврна и на автомобилската индустрија, најавувајќи „Европска иницијатива за мали автомобили“, со цел да се произведат електрични возила по пристапни цени и да се спречи доминацијата на Кина и други глобални конкуренти.

Земјоделство и трговија

Европските земјоделци ќе добијат дополнителна поддршка и фер услови на пазарот. Воедно, ќе се започне кампања „Купувај европска храна“, со цел да се промовираат локалните производи.

Борба со дезинформации и заштита на демократијата

Најавено е создавање Европски центар за демократска отпорност, кој ќе се справува со хибридни закани и лажни вести. Фон дер Лајен потенцираше дека слободната и независна медиумска сцена е столб на демократијата.

Заштита на децата и миграција

Претседателката изрази загриженост за опасностите кои децата ги среќаваат во социјалните мрежи и најави формирање експертска група за регулирање на нивниот пристап до дигитални содржини. Во однос на миграцијата, ЕУ ќе утрои буџет за гранична заштита и ќе воведе нов режим на санкции против трговците со луѓе.

Климата и катастрофите

Во борбата со климатските промени и катастрофалните пожари, ќе се создаде нов европски центар за пожарна заштита со седиште на Кипар.

Повик за европско единство

На крајот, Фон дер Лајен повика на поголемо политичко единство и надминување на блокадите предизвикани од системот на едногласие во надворешната политика. „Само заедно можеме да ја осигураме европската независност и просперитет“, порача таа.