Фон дер Лајен: Разгледуваме опција за соборување на руски авиони

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Фон дер Лајен: Разгледуваме опција за соборување на руски авиони

25 септември 2025

• од Станча Јаќимовски

Претседателката на Европската комисија, Урсула фон дер Лајен, изјави дека Европската Унија и НАТО сериозно ја разгледуваат можноста за соборување на руски борбени авиони доколку влезат во воздушниот простор на Алијансата.

Во интервју за CNN, Фон дер Лајен потенцираше дека секој сантиметар од територијата мора да биде заштитен.
„Доколку има упад во воздушниот простор, по јасно предупредување и откако сме биле транспарентни, опцијата за соборување на борбен авион што ќе го нападне нашиот воздушен простор е на маса,“ истакна таа.

„Русија ја тестира Европа“

Претседателката на Европската комисија нагласи дека Русија со години води хибридна војна против Европската Унија и демократиите.
„Тоа е постојан притисок – на енергетски, сајбер и воен план. Европа мора да биде подготвена на сите фронтови. Но, би сакала да бидам јасна – не ја допирајте нашата територија,“ порача Фон дер Лајен.

Поддршка и од САД

Изјавата доаѓа откако американскиот претседател Доналд Трамп, за време на средба со украинскиот лидер Володимир Зеленски на маргините на Генералното собрание на ОН, порача дека земјите од НАТО треба решително да реагираат и да ги соборуваат руските авиони што ќе влезат во нивниот воздушен простор.

Инциденти во Полска, Романија и Естонија

Во изминативе недели, неколку европски земји пријавија нарушувања на својот воздушен простор од страна на руски воени авиони.

Полска и Романија пријавија повреди на нивното небо, по што НАТО подигна борбени авиони како одговор.
Естонија во петокот објави дека три руски авиони влегле во нејзиниот воздушен простор – тврдење што Москва веднаш го негираше.

Овие инциденти дополнително ја зголемуваат тензијата во регионот и го отвораат прашањето колку далеку НАТО е подготвен да оди во директна конфронтација со Русија.