Франција: Поддршката за Украина ќе продолжи и покрај турбуленциите во Париз

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Франција: Поддршката за Украина ќе продолжи и покрај турбуленциите во Париз

10 септември 2025

• од Станча Јаќимовски

Француската влада ќе продолжи со воената и политичката поддршка за Украина, без разлика на актуелните политички превирања во Париз. Ова во вторник го изјави францускиот министер за европски прашања, Бенџамин Адад, јавува „Ројтерс“.

Адад, кој ја извршува функцијата веќе под двајца премиери, истакна дека неговата посета на Украина во четврток останува потврдена, независно од тоа кој ќе биде назначен за нов премиер на Франција.

„Поддршката за Украина е навистина меѓупартиско прашање – од социјалистите, преку републиканците, до центристите. Тоа е апсолутно фундаментално за интересите на нашата земја,“ изјави Адад.

Одбранбен буџет и воена помош

Министерот нагласи дека францускиот одбранбен буџет е стабилен и неговото зголемување е гарантирано во изминатите години, што ќе продолжи и во иднина.

„Ќе бидам во Украина оваа недела, и тоа е едно од силните пораки кои ќе ги испратам,“ додаде Адад.

Претседателот Емануел Макрон претходно вети дополнителни 2 милијарди евра воена помош за Украина за оваа година.

Политичка неизвесност во Париз

Франција во моментов се соочува со нова политичка криза, откако премиерот Франсоа Бајру изгуби доверба во парламентот поради неговото справување со огромниот буџетски дефицит. Земјата наскоро треба да добие петти премиер за помалку од две години.

Иако Адад одби да шпекулира за можниот наследник на Бајру, владини извори наведуваат дека министерот за одбрана Себастијан Лекорњу е подготвен да ја преземе функцијата, што би сигнализирало континуитет во политиката.