Гагаузите во Украина и Молдавија бараат бугарско државјанство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Гагаузите во Украина и Молдавија бараат бугарско државјанство

06 мај 2025

• од Вардарски

Гагаузите со бугарско потекло од Украина и Молдавија бараат да се признае нивното право на бугарско државјанство, објавија од Светскиот парламент на Бугарите кој неодамна ја одржа својата 11-та сесија на Златни Песоци, Бугарија. Христо Христов, претседател на парламентот, во официјално обраќање истакна дека бугарското Министерство за правда последниве години користи тесно толкување на поимот „бугари-гагаузи“, со што всушност се оневозможува добивање државјанство за овие луѓе.

Христов објасни дека во официјалните барања за државјанство не се наведува експлицитно „бугарин-гагауз по потекло“, поради што и гагаузите кои живеат во Бугарија, а никогаш не се отселиле, формално се исклучени од оваа категорија. Асоцијацијата на Бугарите во светот, каде што членуваат и многу гагаузи, бара од бугарските власти итно да ја коригираат оваа „грешка“ и да се признае гагаузкото потекло како бугарско.

Во обраќањето до институциите се бара ревизија на судските практики и признавање на сите лица со документи за гагаузко потекло како рамноправни со лицата од бугарско потекло. Според нив, неопходна е активна државна политика која би го олеснила враќањето и интеграцијата на овие луѓе во Бугарија.

Од Молдавија предупредуваат дека Турција води активна политика во регионот на Гагаузија, додека Бугарија досега останува пасивна. Професор Иван Градешлиев од Универзитетот во Велико Трново истакна дека терминот „гагаузин“ одамна е утврден како етнографски, а не етнички поим, што значи дека гагаузите се всушност Бугари по потекло.

Покрај тоа, во Бугарија се основа Совет за координација на политиките за Бугарите во странство, во кој ќе учествуваат седум министри. Извршната директорка на Агенцијата за Бугарите во странство, Рајна Манджукова, изјави дека основањето на овој совет е завршна фаза, и дека токму тој ќе овозможи подобра координација на државните политики кон дијаспората. Асоцијацијата на Бугарите во светот побара да биде примена како невладина организација во Советот, за да го сподели својот искуствен придонес.

На сесијата на Светскиот парламент на Бугарите беше прифатена и Асоцијацијата за развој на бугарската заедница во Молдавија како нов член.