Генералниот секретар на ОН: „Американските напади врз Иран се длабоко загрижувачки“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Генералниот секретар на ОН: „Американските напади врз Иран се длабоко загрижувачки“

22 јуни 2025

• од Станча Јаќимовски

Генералниот секретар на Обединетите нации, Антонио Гутереш, изрази длабока загриженост поради најновите напади на САД врз Иран, нарекувајќи ги „опасна ескалација“ на веќе напната ситуација на Блискиот Исток.

„Длабоко сум вознемирен од употребата на сила од страна на САД против Иран. Ова претставува опасна ескалација во регион кој и онака се наоѓа на работ од конфликт – и директна закана за меѓународниот мир и безбедност,“ изјави Гутереш.

Нападите биле насочени кон инфраструктурата поврзана со иранската нуклеарна програма, што според ОН може да предизвика сериозни последици. Генералниот секретар предупреди дека постои „сѐ поголем ризик конфликтот брзо да излезе од контрола – со катастрофални последици за цивилите, регионот и светот.“

Гутереш ги повика земјите-членки на ОН да се воздржат од натамошна ескалација и да ги почитуваат своите обврски според Повелбата на Обединетите нации и меѓународното право.

„Во овој опасен момент, мора да се избегне спиралата на хаос. Војната не е решение. Единствениот пат напред е дипломатијата. Единствената надеж е мирот,“ истакна тој.

Обединетите нации апелираат за итно смирување на тензиите и повикуваат на дијалог како единствен начин за избегнување на поширок конфликт со несогледливи последици.