Христо Грозев пред Европарламентот: Русија ја претвори хибридната војна во идеологија и индустрија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Христо Грозев пред Европарламентот: Русија ја претвори хибридната војна во идеологија и индустрија

23 април 2025

• од Вардарски

Русија води систематска хибридна војна против Европа, која веќе не е само стратегија, туку и официјална идеологија и организирана индустрија. Ова го изјави истражувачкиот новинар Христо Грозев пред специјалната комисија на Европскиот парламент за заштита на европската демократија.

На онлајн-сослушување, Грозев детално опиша широк спектар на хибридни операции кои, според него, се координирани од руските служби ГРУ, ФСБ и СВР, како и од олигарси и државни компании кои често дејствуваат конкурентски, па дури и несинхронизирано, борејќи се за буџети и влијание.

„Ова е војна. Европа мора да го признае тоа и да одговори со единство“, потенцираше Грозев. Тој повика на тешка соработка меѓу истражувачките новинари и европските безбедносни служби.

Според него, создавањето хаос е една од главните цели на руските хибридни кампањи – преку лажни дојави за бомби, дийп фејк видеа, саботажи и масовни дезинформации. Тој цитираше руски документ каде „предизвикување забуна“ се смета за победа, а „сеење страв“ за клучен успех.

Грозев потсети дека Русија стои зад бројни саботажи и пред инвазијата во Украина во 2022 година, вклучително и експлозии во складишта за оружје во Бугарија и Чешка, како и обид за убиство на бугарскиот производител на оружје Емилијан Гебрев. Само минатата година, полското контраразузнавање спречило девет саботажи, вклучувајќи дерaјлирање на возови и палење складишта. Белоруски агент запалил магацин во Полска по руска наредба, при што вината била префрлена на Украинци.

Според Грозев, околу 100 агенти на ГРУ директно раководат со овие операции, а илјадници други – од ФСБ, организиран криминал и регрути од окупираните украински територии – се вклучени во активностите. Вербувањето се врши и преку „Телеграм“, каде се нудат до 10.000 евра за „задача“.

„Откривме агент на ФСБ кој бараше извршители на саботажи за време на Олимписките игри во Франција“, откри Грозев.

Тој додаде дека Русија води кибер-војна против Европа уште од 2007 година. Во 2023 година, Германија, Полска и Чешка откриле долгорочна операција за инфилтрација во политички партии и институции. Новата структура во рамки на ГРУ, според Грозев, планира напади врз болници, бази на здравствени податоци, водоводи и транспортни центри.

Само минатата пролет, забележани биле над 800 случаи на заглушување на сателитска навигација, што предизвикало откажани и пренасочени комерцијални летови низ Европа.

Покрај тоа, Грозев нагласи дека Русија влијае врз политичките процеси во ЕУ преку пропаганда против Украина, купување политичари, мешање во избори во Молдавија и Романија, и користење на миграцијата како оружје. Спомена и нова практика – афганистански мигранти кои најпрво престојуваат во Русија, па потоа бараат азил во ЕУ.

Како конкретен доказ за руските активности во Европа, тој го наведе и случајот против бугарски државјани во Велика Британија обвинети за шпионажа, што го гледа како доказ за длабоката вкоренетост на хибридната мрежа во европското општество.