Hyatt со седми хотел во Бугарија – нов сјаен бисер на Источноевропскиот брег

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Hyatt со седми хотел во Бугарија – нов сјаен бисер на Источноевропскиот брег

04 јуни 2025

• од Станча Јаќимовски

Глобалниот хотелски бренд Hyatt продолжува со успешната регионална експанзија, отворајќи го AluaSoul Sunny Beach – својот седми хотел во Бугарија.

Сместен во популарната туристичка дестинација Сончев Брег, новоотворениот хотел е дел од портфолиото на Inclusive Collection и дополнува веќе постојните хотели на брендот во земјата. Со ова, Бугарија останува водечки пазар за Hyatt во источна Европа.

AluaSoul Sunny Beach им се приклучува на хотелите Secrets Sunny Beach, Dreams Sunny Beach, Alua Helios Bay и AluaSun Helios Bay, кои беа отворени во 2023 година.

„Отворањето на AluaSoul Sunny Beach е доказ за нашата посветеност кон обезбедување исклучителни искуства и врвна вредност за нашите гости и членови на World of Hyatt,“ изјави Мануел Меленшон, управувачки директор за регионот ЕАМЕ. „Со растечката побарувачка за all-inclusive одмори во Европа, продолжуваме да се фокусираме на создавање на искуства кои ги надминуваат очекувањата.“

Хотелот располага со 397 модерно опремени соби, шест ресторани и барови, како и два надворешни базени – еден за релаксација и друг за активности. За бизнис и настани, AluaSoul Sunny Beach нуди флексибилен простор за средби, вклучувајќи ја и салата „Софија“ од 65 м², со капацитет до 60 гости.

„Со својата одлична локација во една од најпопуларните летни дестинации во источна Европа, хотелот нуди незаборавно доживување кое комбинира модерен дизајн, динамична забава и лесен пристап до сè што нуди Сончев Брег,“ изјави генералниот менаџер на хотелот, Даниел Биелса Гибаха.

Стратегија за засилено присуство на Балканот

Hyatt има повеќе од 30 години искуство во источна Европа и е еден од најприсутните интернационални хотелски оператори во регионот. Портфолиото во моментов брои 20 објекти со над 4.700 соби во Бугарија, Црна Гора, Грција, Чешка, Словачка, Полска, Србија, Украина и Унгарија.

До 2027 година, брендот планира отворање на уште пет нови хотели и луксузни ресорти под знакот на Hyatt Regency во Романија, Хрватска, Србија и Албанија. Овој раст ќе го зголеми присуството на Hyatt на Балканот за 70%, дополнително зацврстувајќи ја неговата позиција во сегментот на луксузните и забавните патувања.