Ирскиот министер: Кога ќе влезете во ЕУ, ќе может да зборувате албански или македонски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Ирскиот министер: Кога ќе влезете во ЕУ, ќе может да зборувате албански или македонски

30 јули 2025

• од Станча Јаќимовски

Министерот за европски прашања и одбрана на Ирска, Томас Бирн, упати силна порака на поддршка до Македонија во процесот на пристапување кон Европската Унија. Тој истакна дека иако патот на земјава е мачен и полн со предизвици, Ирска и другите земји членки ќе продолжат активно да работат на олеснување на процесот.

Одговарајќи на прашање за односите со Бугарија и евентуалните гаранции од ЕУ во врска со преговорите, Бирн рече дека не може да понуди апсолутни гаранции, но ја потенцираше својата заложба за дневна работа во насока на поддршка на македонското пристапување.

„Навистина го ценам фактот дека патот на Македонија кон ЕУ е мачен. Бев тука пред три години, по францускиот предлог и договорот, и сметаме дека тој треба да се спроведе. Така ќе се отвори преговарачкиот процес. Не можам да давам никакви гаранции во животот, освен тоа дека ќе работам секојдневно за да го олеснам вашето пристапување врз основа на заслуги,“ изјави Бирн.

Тој ја нагласи важноста од исполнување на преземените обврски и ја повика Македонија на имплементација на договорот постигнат пред три години, кој според него претставува клуч за отворање на преговорите.

Бирн истакна и дека македонскиот јазик веќе е признаен од ЕУ, што го потврдува и фактот дека договорот за ФРОНТЕКС е составен на македонски јазик.

„Албанија ќе се приклучи кон ЕУ, така што македонскиот и албанскиот јазик ќе го имаат истиот статус како францускиот и германскиот, исто како мојот ирски, галски јазик. Јас можам да зборувам во ЕУ на мојот јазик. И кога вие ќе бидете членки на ЕУ, немам сомнеж дека ќе можете да зборувате македонски или албански или англиски или француски,“ порача Бирн.

Оваа изјава претставува јасна потврда за јазичната еднаквост во ЕУ и уверување дека, со исполнување на критериумите, македонскиот и албанскиот јазик ќе имаат целосно рамноправен третман во европското семејство.