Израел купува борбени авиони F-15 од „Боинг“ за 8,58 милијарди долари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Израел купува борбени авиони F-15 од „Боинг“ за 8,58 милијарди долари

31 декември 2025

• од Станча Јаќимовски

Американскиот производител на авиони Boeing доби договор вреден 8,58 милијарди долари за испорака на борбени авиони F-15 за Израел, соопшти Пентагон, пренесува ДПА. Договорот е дел од континуираното воено партнерство меѓу Соединетите Американски Држави и Израел.

Според американското Министерство за одбрана, договорот опфаќа проектирање, интеграција, опремување, тестирање, производство и испорака на 25 авиони од новата варијанта F-15IA за израелските воздухопловни сили. Дополнително, вклучена е и опција за нарачка на уште 25 авиони во подоцнежна фаза.

Производството ќе се одвива во фабриката на „Боинг“ во Сент Луис, сојузната држава Мисури, а целосната реализација на договорот се очекува да заврши до 31 декември 2035 година. Засега не се објавени детали за временската рамка за испорака на првите авиони, наведува БТА.

Од Пентагон појаснуваат дека нарачката е доделена по проценка според која „посочениот производител е единствениот што може да ги исполни бараните технички и оперативни услови“. САД остануваат најважен сојузник на Израел и негов клучен снабдувач со воена опрема.

Објавувањето на договорот следува по средбата меѓу американскиот претседател Доналд Трамп и израелскиот премиер Бенјамин Нетанјаху, која се одржа во Флорида.