Израел побара помош од Бугарија за гасење на пожарите кај Ерусалим

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Израел побара помош од Бугарија за гасење на пожарите кај Ерусалим

01 мај 2025

• од Вардарски

Израел официјално побара помош од Бугарија за справување со големите шумски пожари кои беснеат западно од Ерусалим, пренесуваат израелските и светските медиуми.

Израелскиот министер за одбрана Израел Кац нареди армијата да испрати војници како поддршка за пожарникарите кои се борат со брзо ширечките пламени. Кац ја нарече ситуацијата „национална вонредна состојба“ и нагласи дека сите расположливи ресурси мора да се мобилизираат за спасување животи и ставање на пожарите под контрола.

Помош е побарана и од други земји, меѓу кои Кипар, Грција и Италија. Израелската спасителна агенција Маген Давид Адом соопшти дека стотици цивили се во опасност, а досега 16 лица се хоспитализирани поради лесни повреди од вдишување чад. Нивото на тревога е подигнато на највисоко.

Полицијата ја затвори главната автопатска врска Ерусалим–Тел Авив и започна евакуација на жителите поради нови пожари што избувнаа во грмушестите предели. Многу возачи ги напуштиле своите возила и побегнале, додека огромни облаци чад се ширеле над регионот.

Пожарите се распространети во шумските предели меѓу Латрун и Беит Шемеш, а во гасењето учествуваат и хеликоптери. Високите температури и силниот ветер придонесоа пламените брзо да се шират, што предизвика евакуација на најмалку пет општини.

Министерот за национална безбедност Итамар Бен Гвир, кој ја надгледува израелската противпожарна служба, го посети погодениот регион и во видео-обраќање најави дека се работи на испраќање дополнителна помош и евакуација на заглавените цивили.