Израелската армија тврди дека уништила една третина од иранските ракетни фрлачи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Израелската армија тврди дека уништила една третина од иранските ракетни фрлачи

17 јуни 2025

• од Гоце Кически

Тел Авив, 17 јуни 2025 (МАКПРЕС) — Израелската армија соопшти дека досега уништила над една третина од фрлачите на ирански балистички ракети со долг дострел, од почетокот на конфликтот во петокот. Сепак, Иран продолжува со ракетни напади врз Израел, при што според израелски извори, најновите ноќни напади усмртиле најмалку осум лица.

Според соопштението на Израелските одбранбени сили (IDF), „уништени се над 120 фрлачи на ракети од типот површинa-површина“. Според нив, тоа претставува една третина од фрлачите со кои располага иранскиот режим.

Овие податоци се однесуваат исклучиво на фрлачи со долг дострел – балистички ракети со капацитет да стигнат до цели во Израел. IDF истакна дека нападите биле насочени конкретно кон фрлачите, а не кон самите ракети, од кои Иран поседува далеку поголем број. Некои од фрлачите се сместени во подземни пештери, додека други се распоредени на различни локации. Не е јасно колку од нив излегле од засолништата по почетокот на конфликтот, ниту дали Израел успеал да ги затвори влезовите со прецизни удари.

Во проценките од 2022 година, Централната команда на САД оцени дека Иран има повеќе од 3.000 балистички ракети со долг дострел – бројка која најверојатно се зголемувала до минатата година, кога стотици беа употребени во напади врз Израел.

Во контекст на актуелниот конфликт, се проценува дека Иран започнал со арсенал од 750 до 1.000 балистички ракети со дострел до Израел. Од нив, околу 370 веќе биле истрелани, што значи дека една третина до половина од тие ракети се веќе искористени. Лоцирањето и уништувањето на овие фрлачи е сложена операција, особено поради големите растојанија на кои дејствуваат израелските авиони и ограничениот број на воздушни танкери за гориво.

Покрај балистичките ракети, Иран сè уште располага со значителен број крстосувачки ракети и десетици видови на беспилотни летала за напади.

Во текот на ноќта, IDF соопшти дека околу 50 израелски борбени авиони уништиле над 20 ракети „минутки пред да бидат истрелани кон цивилни цели во внатрешноста на Израел“.

Дополнително, објавени се нови сателитски снимки од последиците од израелските напади врз ракетната база во Корамабад, провинцијата Лурестан, западен Иран. Според IDF, подземниот објект кој бил цел на нападот во саботата, содржел и ракети со долг дострел и крстосувачки ракети.

„Ова е важен објект кој иранскиот режим претходно го претстави во своја пропагандна видеоматеријална“, изјави портпаролот на IDF, бригаден генерал Ефи Дефрин пред новинарите.