Калас: ЕУ бара одговорност и казни за предизвикувачите на најновото насилство во Сирија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Калас: ЕУ бара одговорност и казни за предизвикувачите на најновото насилство во Сирија

25 јули 2025

• од Станча Јаќимовски

Европската Унија остро го осуди последното насилство во јужна Сирија, при што минатата недела загинаа и беа повредени стотици луѓе. Високата претставничка на ЕУ за надворешни работи и безбедносна политика, Каја Калас, упати јасна порака дека сторителите на нападите, особено врз цивилното население, мора да бидат изведени пред лицето на правдата.

„Повикуваме на транспарентна, веродостојна и непристрасна истрага и одговорност за сторителите на тешките прекршувања на меѓународното хуманитарно право и човековите права,“ се наведува во изјавата на Калас, испратена по повод најновата ескалација на конфликтот.

Таа истакна дека итно мора да се запрат сите акти на насилство и да се обезбеди безбедноста на цивилите, без оглед на нивната етничка или верска припадност. Притоа повика и на почитување на прекинот на огнот и заштита на цивилната инфраструктура, вклучително и верските објекти.

„ЕУ ги поддржува своите партнери на теренот и придонесува со хуманитарна помош за настраданото население. Ги повикуваме сите страни, особено преодните власти, да обезбедат итен и безбеден пристап до основни услуги како здравствена заштита, вода и храна, како и безбедност за хуманитарниот персонал,“ додаде Калас.

Таа нагласи дека стабилноста на Сирија е од заеднички интерес и дека сите надворешни актери, без исклучок, треба да го почитуваат единството, суверенитетот и територијалниот интегритет на земјата. Калас остро ги осуди едностраните странски воени активности и кампањите на дезинформација кои, според неа, само ја влошуваат ситуацијата и го поткопуваат мирниот процес.

„Сега е време за дијалог. Неопходна е инклузивна и мирна транзиција која ќе ги гарантира човековите права и ќе ги исполни очекувањата на сите Сиријци. Преодните власти имаат обврска да ги заштитат сите граѓани и да работат на разоружување, демобилизација и реформа на безбедносните сили во согласност со меѓународните стандарди,“ подвлече Калас.

Таа заклучи дека Европската Унија останува посветена и подготвена да помогне во сите чекори кон мирна иднина на Сирија, нагласувајќи дека долгорочното решение мора да дојде од самите Сиријци.