Калас: Отстапувањето на украински територии е „замка што Русија ни ја постави“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Калас: Отстапувањето на украински територии е „замка што Русија ни ја постави“

23 август 2025

• од Станча Јаќимовски

Заменик-претседателката на Европската комисија, Каја Калас, предупреди дека идејата за отстапување на украински територии претставува „замка што Русија ни ја постави“.

Во интервју за Би-Би-Си, Калас истакна дека целата дискусија се врти околу тоа од што треба да се откаже Украина и какви компромиси е подготвена да направи. „Во меѓувреме забораваме дека Русија не направи ниту една отстапка“, нагласи таа.

„Тоа е токму замката што Русија ја постави. Ако западот изврши притисок врз Украина да прави отстапки, ситуацијата ќе се повтори, затоа што агресијата ќе биде наградена“, додаде Калас.

Критика за односот кон Путин

Калас го оцени и учеството на рускиот претседател Владимир Путин на неодамнешниот самит во Аљаска. Според неа, тој „добил сè што сакал“ – бил примен со почести, а Белата куќа не вовела нови санкции против Москва.

Безбедносни гаранции за Украина

Во однос на разговорите за безбедносни гаранции за Украина, Калас смета дека засега нема доволно „јасни чекори“. Таа подвлече дека „најсигурната гаранција за безбедност е силната украинска армија“.

По средбите во Вашингтон, во кои учествуваа украинскиот претседател Володимир Зеленски и европски лидери, неколку држави подготвуваат предлог за тоа како би можеле да изгледаат идните гаранции за Киев.